تحضى نار قلبي

حلقة:الرابعة والأربعون.

تحضى نـار قلبي
الرابعة والاربعون.
.
.
.
.... سلام على أرواح لم تستطيع النهوض دون حسرات.. 𓅙

سرور: منال تعرفين ما عندي ثقة بهل كون  بگد ثقتي بيچ والدليل كل الادلة إلي استلمها لقضاياي أنسخ وأترك يمچ  وبكل مرة أحتاجهن وأجيچ..

وهل شيء لو ما أنتِ  مبدعة بحفظ الامانة والسر والمرافعة ما چان باوعت بوجهچ.

تحمحمت و أردفت
_أنطيني سبب واحد مقنع يخليچ ترافعين لبنيامين  والله وحياه عين بنتي أوگف وياچ وأدعمچ بكل قدرتي
بس بشرط أكيد.

ردت بقبول وحماس
_موافقة على الشرط.

رفعت حواجبي وحچيت
_أنتِ عرفتي الشرط حتى توافقين؟

_ أكيد ما ترديلي الشر و واثقة مليون بالمية لشرط من صالحي.

قلصت عيوني وحچيت
_السبب منال.

زفرت نفسها بقوة وحچت
_طول فترة ممارستي للمهنة ابد ما عاملتها بجدية كل همي أونس نفسي ولا كعدة البيت مجرد قضاء وقت يمر.

بس شوفة بنيامين واگف كدامي ويطلب مساعدتي صحاني على زماني ورجعني لذا ك المكان إلي وگفت كدامة وأعترفت اله وهو رفضني بطريقة مقرفة
ودارت الدنيا لحد ما اجى اليوم إلي  طلب مساعدة مني.

نزلن دموعها ضحكت ومسحتهن بسرعة و أردفت
_ وأزيدچ من الشعر بيت خاف تتوقعين حباً بي أستلمت القضية  لا بنيامين  غلطة وأرتكبتها وحالياً أريد أصححها.

سرور: گلبچ أعمى منال

منال: وأثول هم بس بعيد عنة.

ركزت بعيونها وحچيت بأمر
_ لا حُب ولا غرام ولا ضعف مشاعر گدامة؟
منال:  بعديش الحُب  والغرام وهوَ و قع على تعاستي بيدة.

سرور: اذا ضعفتي او أستسلمتي گدامة لا أنتِ صديقتي ولا أعرفچ.

منال: حقچ ماتعرفين صديقتچ لان اني أختچ  ومو بنيامين إلي يهدم علاقتنة.
سرور:  اذا لعب منا لو منا توگفينة عند حدة وتگلبين اللعبة علية عسا ما ينسجن العمر كلة.

منال: بمساعدتچ أكيد
و اذا هو ذكي فا أحنة كيدنا عظيم.

أبتسمت على نهاية كلامها وركزت بعيونها وحچيت
_ وعد أعتبرة؟

تقربت علية حضنتني وگالت
_وعد سرور...
تنهدت وأردفت بهدوء
_ ثقي بية لمرة وحدة.

طبطبت على ضهرها وحچيت بتنهيدة
_إن شاءلله ما تكسرين هل ثقة.

أبتعدت عنها وحچيت
_ لازم أرجع هسة.

منال: أرجع وياچ أنتضري.

هزيت راسي وتقدمت على الشباك  زفرت نفس وحچيت بهدوء
_المستندات يمچ بعدهن؟

منال: اي أكيد كلهن يمي.