تحضى نار قلبي

مُهم

سلام عليكم فيروزاتي
حبيت أبلغچن بتنزيل إعلان قصة جديدة تحت عنوان (إحتدام الدُلّس)

القصة تحكي عن بطلتنة روكيان و والدتها إلي الها دور كلش كبير بالقصة
وتبدأ القصة من والدتها ومن ثم روكيان

ما يقارب الخمس أشهر من وصلتني القصة وانا شاهدة على كل أحداثة لان أعرفهم من سنوات..

بهل قصة تشهدون حرب باردة بين حَبيبين وتماسك عائلي وأم تحاول تصنع من المستحيل شي مهم لأولادها السبعة

دائما نيمع عن قصص الحب والتضحية لكن ما فد يوم شفنة حياتهم من رتوش وتجميل
والعائلات الي نشوفها مثالية بس ما نعرف شنو يعيشون بداخلة 🥲🫢

أقرو الاحداث والاعلان و ولعوهااا بتعليقاتكم التفتح النفس
والمشاهد من روكيان وأمها يعني بين زمنين مختلفات وين حسكم إلي يگول الشهد لمنو من بطلاتي

أضافة إذا تولعون البارت بالتعليقات والمشاركات اليوم أنزل آخر بارت من تحضى🙂😂

مشهد

من بعد يوم مرهق رجعت للبيت وأخذت دوش حتى تسترخي عضلاتي المتشنجة
طلعت من  الحمام و أدندن بكلمات أغنية قديمة بعد ما أخذت ملابسي المغسولة للحديقة حتى أشرهم
أثناء ما أخليهم على الحبل تفاجئت بوجودة واگف يم الباب وفاتح عيونة بستغراب
عقدت حواجبي  وشمرت الملابس بسرعة و دخلت للمطبخ الهث من الركض
أيدي على صدري وأحچي
-صديقكم بالباب  واكف

نزل كلاص الچاي وأخذ أجهزتة الأربعة وسويچ السيارة والمحفظة
گام وگف و حچة بنبرة أستغراب 
- من شوكت هنا ؟؟
نظر للساعة المزينة مُعصمة و أردف
-ما يقارب الأربعة گاعد هنا وما سمعت الجرس دگ!

هزيت كتفي وحچيت
-ما أعرف
وهذا صديقك مدري شعاجبك بي
أنسان نقمة الله وكيلك ومحمد كفيلك

صد علية  رافع حاجبة
-ليش زاعجچ بشي وما نعرف؟

عقچت وجهي و رديت بستهزاء
-اووو أصلاً ملاك ونازل من السما
منو گالك مسموم وحقنة چنة ثعبان وين يبث سمة وحقدة بالناس
أستغفر الله من الغيبة

هز راسة وعدل قميصة متجاهل كلامي
مشى بأتجاهي وگال
-الثعبان  إلي تحچين عنة المايتقربلة ما يسمة ولا يأذي بس إلي يدوس طرفة حتى وإذا بدون قصد يحقنة بمختلف أنواع السم
وعنده من فصائل الحرباء تتغير لونها من مكان ومكان ومو بعيد
"يشوفچ وجه  ويقنعچ بوجه ويشتغلچ بوجه "
حذري وابتعدي عنة.

"لقد أحذر من أنذر "