تحضى نار قلبي

-69-

تحضى نار قلبي
الحلقه القبل الآخيرة
-
..أتمنة منكم تتفاعلون على الحلقة واكون ممنونه منكم
حسابي الانستا أنشر الكم تفاصيل عن حياه الابطال

طلع بعد ما تاكد محد يحچي الها
لليل صار عندي الم كلشش قوي بحيث احس روحي عندي ولادة
دموعي تنزل وشهگات محبوسه تجرح بلعومي
رجعت لنفس اليوم قبل سنوات وصرت أبچي لان فقدت بناتي
خفت أفقد غيمار بدال هل طفله..

أتصلو على ياسين ما قبل يچي گاللهم خلو بنيامين ياخذها
بسبب انو هو بداخل الولايه يطبخ بغير موكبنا

حقدت عليه حقد لا اله الا الله
ومن بعد معاناه ويا السسترات الي شلعن گلبي زياده ولدت بنتي زينب سميتها على العقيلة لان يوم العاشر ومصاب ابا عبد الله الحسين

مرت الايام والسنين اثقل من الثقل بحد ذاته

بالاخص من تمرضت زينب وصار بيها كوفيد19

حسيت نفسي رجعت المعاناه وبفضل مولاتي العقيله تشافت

علاقتي بياسين شبه منتهيه  صح تاذيت وعانيت بس تاقلمت وتعودت على الوضع

حاليا شغلي واطفالي اهم من كل شي

وياسين لحد الان ماتعود على شغلي وبكل يوم يحاول يقلل منه

بس مستحيل المرة كيانها شغلها ومستحيل اتخله عنه مره ثانه

تخليت وحاولت اعيش نفس كل العوائل بس مالكيت سروربهل عيشه

حاليا كلها تعرفني بسرور لكن محد يعرف عاىلتي او زوجه ياسين

المعروف عني سرور مطلقه وياسين متخبل من هل شي بس هذا انسب حل  حتى ابعدهم عن شغلي

لان االقضايه الي استلمهن كلهن اغتيال احتيال اجرام

واكثر من مره اتهدد لكن عرفت احمي نفسي بدون ياسين الي صرت اعتبره اب لاطفالي وبس

قراري اجى من بعد تفكير عميق

اليوم استلمت قضيه اب احتال على ابنه تحت مسمى صله الرحم

والابن مسجل معارض سيارات ومجمع سكني بااسم والده  والاب احتال وباع كل هل املاك 

واليوم موكلي الي هو ابنه رفع قضيه عليه نصب واحتيال

الاب  نائب بالبرلمان العراقي ما جنت متوقعه توصل النذاله يحتال على ابنه ماكفتهم فلوس العراقيين

بطلب منهم راح  تكون القضيه سريه 

تنهدت وزفرت نفسي وحجيت بكلبي

-اي يا عرااق وصلنه مرحله ينكال من لحمنه

موكلي قدملي ملفات فساد ضد ابو

يعني رابحه القضيه رابحتها لان ماعنده مستند

 

ارتاكيت على الكرسي وسافر بالي لهذاك اليوم