تحضى نار قلبي

الختام

تحضى نار قلبي
الحلقة الأخيرة
.
تفاعلو على الفقرات وشاركوني بأكثر مشهد حبيتو

دائما اسمع ما نلكه انسان يفهمنه ويقدر حبنا وابد ماجنت اضن بيوم من الايام رب العالمين يجمعنا واكون من نصيب الي راده كلبي بس سبحانه ربي الي جمعني باانقى انسان شكد ما احجي عنه اضلم وكفته وحنانه الي عوضني عن كل الدنيا صرت مدمنه عليه واحس يومي كئيب اذا ما يتصل عليه
ما أنكر بداية زواجنة شگد چنت أنغث من عندة وحتى أضوج
وسوالفة الما يتسولفن وياي قبل زواجنة
كل هذني هل إنسان عوضهن إلية وممتنة اله لحد آخر نفس أتنفسة

بيوم من الايام سألتة
-بنيامين ليش دائماً تسويلي إلي أريدة او بالاحرى ليش ما تقبل أسوي شي كلة أنتَ؟
بوقتها صدمني جوابة
-حتى من تنسألين او من تشوفين شي من حولچ تذكرين أسمي من گلبچ قبل نطقچ..

بنيامين حَنييين لدرجة أعجز عن وصفها يعني صاير إلي أهلي وناسي
على گد حبي اله زاد أضعااف وأضعااف
رجعت ذاكرتي لذاك اليوم إلي  بنيامين جاب خوالي للبيت
رغم تدهور مشاعري وعدم معرفة إلي أسوي لكن لحد الان مأثر بيه هل شي

لح على البنات يجن يآكلن ويانا
دخلت ورا 
وبعدها دخلت سحاب سلمت وكعدت
بعد ثواني دخلت برشه
سلمت  وگعدت  يمي
دخل معتصم  الي طلع لان اتصلو عليه

كعد كدامنه

عيوني تفتر على الكل أريد أصدك الي يصير وإلي عشتة معقولة مو حلم وفعلاً هذولة خوالي
يا ترى إمي تشبه خالتي لو بيبيتي
حتى مستغربة بنفسي أگول خالتي لوًبيبيتي على گد عدم تصديقي
همَ شلونهم كانو ويا إمي
زينيين لا؟
هم يأذوهاا لو ليش ما سألو عني قبل؟؟؟
قاطع أفكاري صوت معتصم يگول :
-مسويه دايت بنت خالتي؟

أبتسمت وحچيت
-لا

ضحك بصوت وگال
-أكلي زين مصوفره عايزچ تغذية

أخذ كلاص اللبن وصارت عيني على برشه
والي بدورها شهگت وفتحت عيونها بصدمه

كل الموجودين ركزو عليها
والي فاجئني معتصم صفن بوجهه يرمش..

كرصت برشة
ومعتصم اتدارك الوضع تحمحم وگال
-سلام قول رب رحيم شبسرعة تغيرت البنيه مو جانت وحده شنهي أتخيل جني

رد بنيامين
-برشة أقاربي حالها حال سُحاب

شكلة مو مال ما شافها اكو غير شي لان ما معقولة هيج تبدر منة ردة فعل وبرشة إلي شهكت

تركو الموضوع ودخلو بمواضيع مختلفة
خلصو الغدا سويت الچاي وديتة الهم بقو للعصر
بنيامين احتار شچاب. حتى خالي گام يحچي علية