تحضى نار قلبي

حلقة الثامنة والخمسون

تحضى نـار قلبي .
حلقة الثامنة والخمسون
......
.
.
.
.
.
.
.
.
الحلقة تعدت الخمستالاف كلمة
راعو تعبي وتفاعلو على الفقرات وألتمس منكم العذر بسبب التأخير ..
🖤

تقرب عليها بنيامين وباس راسها گال
_ أبشرچ هشومتي راح تصيرين بيبية للمرة الالف ومية.

شهگت وردت بفرح
_عليك الله راح اشوف وليداتك قبل لا الله ياخذ امانتة.

لهم شفايفة وأردف
_اي يروحي

كلها أنصدمت وأخيل يضحك بصوت مرتفع وكال
_مو هية حبها ولبط متگلي شنو سرعة التفقيس إلي عندك آمس أخذتها واليوم حبلتها.

صفنت الحجية وما نحس غير ضاربتة راجدي وهو خربان ضحك بحيث ما يسيطر على نفسة يحچي..

لحد ما گمز من يمها وأخذ مي شربة وگال
_عفية هشومة همها كلة تشوف خلفتي أشو حاس ما تصيرلي خلفة وتضل بنفسها.

ردت الحجية بعصبية
_من عاب حلگك أبن المسموط.

رد عليها بستفزاز
_مو قبل ساعة گلتيلي أكص... وأشمرة للچلاب وهسة صار عاب حلكك.

ردت علية بصيحة
_بنات يمك يمفشوك صون حچايتك.

أثناء ضحكهم وشقاهم نزلت بنية متحجبة ومتروسة شوية دموعها نازلة وتصيح
_آخييييييييل الحگ على رحيق

ما نحس غير آخيل كمز وصعد الدرج كلها هم راحت ورا
لحضات وأسمع صوت صياح
_ يبوووووو مااااااااتتتتتتتتت بنيتيي..

شهگت وحطيت أيدي على گلبي..

بنيامين: يمعودة لاتخافين ماكو شيء هاي عمتي ضخمت الامور وهية بكد حباية التمن..

صديت علية مصدومة وحچيت
_تضخيميش متگلي البنية ماتت؟!

هز أيدة وگـال
_أنتِ تموتين ورحيق ماتموت.

منال: شنو؟؟

مدد وحط أدينة تحت راسة وگال
_هشومة وين؟؟

صديت على الحجية گاعدة وتسبح

أشرت الة براسي عليها
أبتسم وگال
_لو ميتة صدك چـان لگيتيها صاعدة اول النـاس
بس هاي دلال أخيل هيچ يسوي.

رديت بضوجة
_شبيك بنيامين أنتَ والله كـارثة أكلك لبنية ماتت تگلي ماكو شيء ودلال.

زفر نفسة وحچة
_ تتراهنين رحيق ميتة؟

رديت بحرگة
_ شبيك متگلي يمعود يا رهن والصياح فوك.

رد بعدم مبالا
_أني أكول صاحية مجرد أغماء بسيط وإذا طلع كلامي صح أسبوع كامل تسوين الأكل وتنضفين المطبخ بضمير.

وإذا ميتة إلي تردي يصير إلچ مدة أسبوع.

ضحكت بسخرية وحچيت
_و الله فايخ.