تحضى نار قلبي

حلقة:الثالث عشر

تحضى نـار قلبي
الحلقة الثالث عشر
.
.
.
.
.
.
.
ركزت بملامحة وحچيت
_ياسين ابن عمي ابو أرفد زوج نادية.

فتح عيوني بصدمة وگال
_ومالگيتي غير هل نسونجي  شايفة على لحضة يصير بي ايدز.
وصلج إلي أريد احچي ما يحتاج اوضح.

  ضحكت بهدوء وحچيت
_أعرف وياريت يصير بي.

هز راسة وگال
_ تعرفين  اكيد ما يحتاج اگول اشلع عيوني الج اذا عمامج جابريج؟!

_لا لا عمامي مالهم دخل.

علي: أبد ماتوقعت خيارج لشريك حياتج هيج فاشل مع احترامي الج.

ضحكت وحچيت
_ نرجع للبيت تعبانة.

گام وگف ومشى گدامي
لحگتة

وصعدنة بالسيارة  تقريباً اقل النص ساعة وصلنة.

صار گدامي مصطفى شكلة عصبي  لمحني   ورمقني  بنضرة ما عرفت افسرها..

گعدت يمهم وحچة خالي

_بنت عمك  راح تزوج افشل شخص بهل دنيا.

تجاهل كلام خالي وگال
_ليش تتحملين مصائب غيرج  لا عبالج ما اعرف نورس عدها علاقة وياه وهي إلي لبستج هل تهمة.

سريانة گدام خالج اذا ما هسة تتصلين على أبوي وتگليله كل إلي صار  اني أروح ألهم.

ركزت بوجهة حچيت
_منو گال هل كلام ليش تتبلة عليها!؟

ضغط على عيونة بقوة وگال
_ ما إلي كلام وياج.

صد على خالي وگال
_انت اكبرنا  واحچي وياها.

حضن أدينة وگعد گال
_سريانة بدون لف ودوران احچي إلي صاير ترى سالفتج أبد مو خالية.

ارتاكيت على الكرويتة وحچيت
_ ماكو شي بس ياسين  بعد الزواج يسافر خاج العراق واني أريد اطلع من هنا لان العراق فاشل مابي مستقبل..

رفع حواجبة بعدم تصديق وقال
_هاي منو إلي تگول العراق فاشل
سريانة عايش وياج من الصغر ومن أبوي يگول العراق فاشل تگولين لا المحتويهم فاشلين لان سلمو بدينهم.
وهذا ثاني شغلة تخليني ما اصدك بيج.

زفرت نفس بملل وحچيت
_فعلاً المحتويهم فاشلين لدرجة ينطون بناتهم فصلية وهدية ونهوة.
والافشل ماعدهم احترام واستقلال للمرأة.
تدري لو أيد بـ أيد   كان وكفو عد حدهم.

واني واثقة يجي يوم والعراق يصير بخير بس اكيد من تحكمة إمرأة.

قاطعني خالي يگول
_لعد شلون  هسة تردين تدمرين حياتج؟!!

تنهد وأردف
_ سريانة هل شيبات شيبات ما صارن عبث احچي بدون لف ودوران،  صاعوصة شبيها وليش تتحملين اخطائها!؟

أبتسمت وحچيت
_خالو وين الشيب ماتگلي أشو شعرك فحم و على گولتك صاعوصة  مابيها شي بس اني  أريد اتزوج ياسين مصلحة بس حتى أكدر اطلع من العراق.