تحضى نار قلبي

-68-

تحضى نار قلبي
-68-
.....
تفاعلو على الفقرات 🤏🖤
حسابي الانستا @org-bl
نص ساعه تقريباً
اجى بنيامين  جايب ملطح  بالبدايه استغربت بس گلت  عمامه اكاله

واكف بيده الجهاز ويدلي  فوت منا وتعال منا
ثواني وگال طالعلكم

تقريباً ما طول رجع  و ويا ناس ما أعرفهم
أسمعهم يصلون على محمد

النوب دخلن أربع نسوان  ثنين شابات و وحده چبيره بالعمر والاخيره واضح أربعينيه..

المره الچبيره  صلت على محمد وگالت
-طبت الكم الزهره ام الحسين

اجى بنيامين باس راسها  وصدمني من گال الها
- يمه فوتي البيت بيتچ  
صد عليه وگال
-هذه زوجتي منال

أبتسمت بمجاملة
وعيني على بنيامين العيونه دامعة
والمره الچبيره ضربت على راسها وحچت بنعي
-ييمه لفتچ الگبور وبنيتچ ما تعرفنه أهلها
تقربت عليه حضنتني وتبوس بيه
وتنعي وتبچي

ما أستوعبت إلي يصير لحد ما بنيامين گال
-نمنمه هذه عمتچ وبناتها وهذه بيبيتچ امها لأمچ الله يرحمها

رمشت اكثر من مره وعيوني تدور من واحد لواحد
وگلبي يدگ بسرعه
بلعت ريگي وحچيت
-تفضلو ليش واگفين؟

بنيامين عيونه محاوطتني
والبنات سلمن عليه ودخلن
گعدو بالصاله وصاحني بنيامين
رحتله گال
- تعالي سلمي على خالچ
رديت بفهو
-يا خال؟
أبتسم ولهم شفايفه وتقرب عليه عدل الشال وگال
-أخو أمچ بنياتي
و ولده ثنين

هزيت راسي وهو تمسك بيدي وأخذني الهم
مجرد دخلت وشافني شهگ وگال
_يا بوي بنيت خيتي
فتح اديناته وبنيامين ترك ايدي واشر اتجاها
بين إلي أريد أرتمي بحضنه وبين عقلي يگلي منال لا تتقربيلهم ما عايزچ مشاكل خليچ وحدچ لبنيامين

ويا ما حسيت تفكيري أضبط
شفت عموع تلالي بعيونه
مجرد وگفت وگعن دموعة وقبض على ادينه يريد ينزلهن

عاطفتي غلبتني ونضراته شدتني
ارتميت بحضنه مجرد لف ادينه عليه وباس راسي بهدوء
نزلن دموعي بغزاره وهو يگول
-شششش يبعد عافية خالچ
دموعچ غالية بغلات أمچ يالعزيزة

ما اعرف شگد طولت لحد ما بنيامين گال
-گلنا خالها وعلى عيني و راسي بس يكفى شعندك تحوضن بيها

ضحك ورد
-چنك غرت على بنيتنه
ترانه أهلها موش غرب
و وليداتي كلهم مزوجين ومخلفين امن ماناخذها منكم

ابتسم و رد بتحدي

-شحدك تاخذها مني منال النفس اليصعد وينزل