تحضى نار قلبي

حلقة:العاشرة

تحضى نـار قلبي.
حلقة العاشرة.
.
.
.
.
.
. اذ سألوك يوماً عن إنسان أحببته
فلا تقل سراً كان بينكما
ولا تحاول أبداً تشويه الصورة الجميلة الذي أحببتة من أجلة
اجعل ما فعلة لك بقلبك مخبأ سرياً لكل أسراره و حكاياته.
أجعلو النهايات سعيدة ومريحة رغم ضروفكم.

.
.
.
طول ما هي تحچي مركز وياها
انصدمت بـ اختها معقولة أكو هيج شي وين عايشين احنة هسة؟؟

قاطع شردتي صوت سرور تگول
_عساف طلگني لهنا وخلص كل شي انتَ بطريق واني بطريق
واذا ماتطلگني بـ ارادتك أرفع عليك قضية خلع

انسانة مبهمة لدرجة كبيرة..
طلبت الطلاگ بكل سهولة ولا يگلك هيَ نفسها إلي أستقتلت حتى اتزوجها.

رغم صعوبة حركتها لاكن ما طلبت المساعدة مني.
واذا رغبت بمساعدتها ترفض.

بالصعوبة أنطيها جرع العلاج بالكانولا
رغم قوة العلاج لاكن هي ماتنطي رد فعل مجرد صافنة بالفراغ.

واليوم الرابع إلي يمها هي مبتعدة لدرجة أناديها على الآكل ترفض.
نزلت من الدرج ببطئ..

وكفت بعد مسافة حچت بدون مقدمات
_ عساف اليوم الك أربع أيام والمفروض يومين وترجع لـ كربلاء.

_ ماعتقد هل شي يخصچ بالاخير هذا بيتي أجي وقت الي أريد و أروح وقت الي أريد.

رفعت حواجبها بستهزاء گالت
_ أكو آحد لازمك تروح ول ما تروح.

صديت عليها صفح وحچيت
_لعد ألمن هل كلام الي بهل ضهاري..

گلبت عيونها گالت
_بمزاجي أجة ببالي هل كلام.

قاطعنة صوت الجهاز يدك

فتحت خط حچيت
_أهلاً أبومصطفى.

... بالمهلي وليدي شلونكم سرور شلون صارت

شخصت نضري عليها وحچيت
_تبوس راسك وتسلم عليك.

أبتسمت وهي مصدومة وتقلد علية

.. اها ربي يحفظها اليوم عازمكم على العشا تعالو الحجية تريد تشوفها.

_ إي إن شاء لله اليوم نجي عليكم.

سلم وسد الجهاز.

گعدت وهي حظنت أدينها وحچت
_ليش تجاوب من وحدك؟؟
منو يگول أريد أروح

_شنو الي يمنعج من الروحة ؟

شخصت نضرها علية گالت
_مريضة مو بعينك!؟

_والله يا سرور انتِ ولا يم المرض أشو أيدج مكسورة وفد مرة صايرة وتفترين منا ومنا ولا يگلك مريضة الي يشوفچ يگول سجان.

گلبت عيونها گالت
_والله فزكَان انتَ اني وين وانت وين.

رفعت حواجبي وحجيت بهدوء
_ نفس الحبابة تصيرين وتروحين وياي لبيت عمج.