تحضى نار قلبي

حلقة: الثاني والأربعون

تحضى نـار قلبي
الثاني والأربعون.
.
.
.
.
. تفاعلكم على الحلقة فيروزاتي.
...
مطيت جسمي ورفعت راسي  شفت ياسين بالبرمودة و يفتر بالغرفة بيده نارفين.

تثاوبت وحچيت بنعاس
_ شوكت أجيت؟

صد علية وحچة
_ من ساعتين،   ونارفين تبچي لاتقبل بالممة ولا تقبل تنام  حيرتني.

بعدت الغطة وگمت وگفت تقربت عليهم  أخذتها منة مسدت على خدودها وحچيت وياها
_منو ويا نياتي الحلوات..

وصل للدرج وگال
_ لا نيات ولا بنيات مانفع وياها شيء شوفيها بين ما أكل شيء اذا بقت هيج أخذها للمستشفى خاف بيها شيء.

كمل طريقة واني مسحت دموعها  واخذت الممية وگعدت على السرير وأحاول وياها وهيَ ولا تقبل تاخذ الممة.

تبعد راسها وتهزة فاتحة حلگها  وين يلا وصلت الي انو أحتمال تريدني أرضعها!؟؟

قربتها مني ومجرد ماشفتني لهمته وتهمهم كأنو شخص يشكي وأول مرة تحضن بيدها بحيث  دموعها تنزل بغزارة وتهمهم وأيدها متمسكة.

أبتسمت وحچيت بهمس
_ هذة إلي ما حسبت حسابة  لعد شلون بينة مو أتفقنة  ما تقطعين لممة أشو من بدايتها قطعتيها.

أرتاكيت  وتثاوبت  بنعاس.
وبهل أثناء  دخل ياسين  بيدة كوب .

هو شافني صفن ويرمش والنوب خجلت  ضليت لا للسما ولا للأرض.

أبتسم وتقرب علينة.
گعد بصفي و باس راس نارفين  شعرة لامس بشرتي.
_ملعونة من جرماً تتبچبچ وتنفر طلعت مصلحة  وياي.

صد علية وركز بعيوني وگال
_ من شوكت رجعتيها على الطبيعي!

أبتسمت وحچيت بخجل
_اليوم العصر..

تمدد وحط راسة على رجلي قريب على راس نارفين وعيونة علية أحسهن أكلني أكل..

أبتلعت ريگي وحچيت
_ ما تنام  أكيد تعبان مو؟؟

رد متنهد
_اي والله و وين إلي يسحب هل تعب مني..

رفعت حاجبي وحچيت
_ نام وهو ينسحب.

رد بمكر
_غير بحضنچ  أكيد ينسحب ويتداوة هم بس أول نومي هل نار.

سرور: لا عيني نام بمكانك  وعوفك من نارفين.

ياسين: عايفچ عايفچ بس خلصيها.

مر وقت وياسين نام ونارفين كذالك گعدت ياسين ما گعد.

انطريت   أخلي نارفين ورا ياسين حتى ما توگع.

وتقربت من ياسن رفعت راسة من رجلي  ردت اخلي  على المخدة صدمني رد فعلة من دحس راسة  وسحب نفس وحچة بهمس
_ أريدچ سرور..

زادت سرعة نفسي ودگات گلبي بحيث رجف جسمي من كلمتة وسحب تعاليك الدشداشة  إلي أصطحبتهن لمساتة الغريبة لجسمي..