تحضى نار قلبي

الحلقة:الثالثة

تحضى نـار قلبي
حلقة: الثالثة
.
.
.
.
.
.
اولاً وثانيًا واخيرًا لاتنتظر مني ما لا أجده فيك .!

..
صدت على اختها گالت
_ما عندي مانع..

والتفتت علية اردات
_ بس للعلم بغداد.

ابتسمت رديت بهدوء
_شمرة عصا عادي.

ردت الدكتورة
_ لا تكلف نفسك انت شلون توديها لبغداد وترجع وانت مريض..

تلمست حاجبي حجيت
اريد اروح لبغداد عندي شغل.

ردت الدكتورة
_ها سرور شتگولين.!

_بدون ولا شي عادي ماعندي مانع..

هزيت راسي والتفتت على مرتضى حجيت.
_أبو الروض..

قاطعني تقرب مسافة بسيطة و وشوش
_الظاهر اكو من راح يحجزلك.
نهة كلامة بضحكة.

رفعت حاجبي سرعان ما افتهمت قصدة لكمتة بـ كتفة.

ضحك بصوت عالي گال
_روح روح الله ومحد وعلي ربي يسر امرك وتفتح عقدتك.

اخذت السويج وطلعت گدامها وهي وراي.
شغلت السيارة وصعدنة.

اثناء الطريق فكرت اني شسويت ليش هل حركة الي سويتها؟
غمضت عيوني وفتحتهن ما افكر.

هزيت راسي وصديت على سرور حجيت
_ هسة راح اخذج لـ أهلي بس أخذ اغراض احتاجهن ونطلع،عندج اعتراض.

ردت بعدم اهتمام
_لا عادي.

وصلت للبيت صفيت السيارة
نزلت وهي وياي.

فتحت الباب دخلنة
شهلاء عيونها علية وواضح عليها علامات الاستفهام.

بس هلت بـ سرور...

ياسة ضحكت و تقربت علية حضنتنتي وسلمت على سرور

حجت موجهة كلامها الي.
_ بابا اليوم طالع بموديل جديد ومادري اشو نازع التيشيرت.

مشيت من يمها وضربتهة بخفة على راسها ضحكت گالت
_احبك يحلو لاتتضجور.

هزيت راسي وكملت طريقي صعدت طلعت ملابس واغتسلت.
نزلت بعد ما اخذت مفاتيح والاوراق الي احتاجهن.

تحمحمت و دخلت للصالة.
ابتسمت على شكلها مندمجة وية ياسة وشهلاء ولا يكلك ما صار الهن ربع ساعة من تعرفن.

سلمت عليهن وأكدت على شهلاء اذا يحتاجن شي يروحن لجارنة لان وصيتة عليهم.

طلعنة من كربلاء لـ بغداد.
طول الطريق مانطقت حرف.

و اني لحد الان مصدوم شلون دخلتها بيتي ؟
او ليش قبلت تصعد وياي واوصلها وطريق طويل..

الصمت سيد الموقف.
وشبابيك السيارة مفتوحة ونسمات الهوا الباردة تريح الاعصاب..