تحضى نار قلبي

حلقة:الخامسة والاربعون

تحضى نار قلبي
الخامسة والأربعون.

.
.
.
** فيروزاتي  اتفاعلو بالتعليقات  على فقرات الحلقة  وصوتو مو تنسون

•الانستا 3_organza
•الواتباد umkno22
.
.
.
وصلني خبر صحوة ياسين .
حسيت الدنيا ماسايعتني من الفرحة رب العالمين فرجها وفتحلي باب ...

مسحت دموعي  والضحكة مرسومة على وجهي  ركعت شكر لرب العباد وكمت صارت عيني على بنتي ونور عيوني الي لاتحرك ايد ورجل

تقربت عليها بوستها من عيونها وخدودها وحجيت بخنكة 

-يانور عيوني نارفين بنتي واول فرحتي ابوج صحة يريد يشوفج تناغين وتضحكين وتنامين بحضنة 

ماماتي انت بنت امج وقوية على ابوج ومتاكدة راح تكومين وتتشافين وتلعبين  ونحطج بين عيونة يروحي وعد مني الج  من تطلعين من هل مكان اترك كل شي لعيونج  واولها المحاماه شلي بيها واني هاملة روحي من هل دنيا وعد ليوم الدين اترك كل شيء لعيونج ونشلع كلب ابوج ثنينة 

نهيت كلامي بضحكة وحزة بروحي 

ابتلعت ريكي ومسحت دموعي وطلعت من الغرفة رحت لغرفة الي بيها ياسين كل اقاربة موجودين  

الباب مفتوح والزلم واكفين بالممر وداخل الغرفة هم 

كل الموجودين مو بعيني تعديتهم و دخلت للغرفة   ياسين متمدد على النص ويضحك ويا  عمي وعمة يسولفون 

مجرد شافني فتح عيونة بصدمة وخالي  خزرني  كلبت عيوني وركزت بوجة ياسين 

اسمع التحمحم والاستئذان وهم يطلعون من الغرفة 

اخر شيء طلعو عمي وخالي وعم ياسين 

تقربت علية  غمض عيونة وفتحهن همس بفحيح 

-منو طالب منج تجين  بنص هل زلم  سرور صدك تحجين انت 

ابتلع ريكة واردف بصعبية مكتومة 

-ما جبتيلي وياج كرون ستيل بما انو حضرتج ذابة كل الصخام وراج 

رغم كلامة وعصبيتة لكن شوقي الة اكبر من كل الي كالة 

نزلن دموعي بغزارة  والغصة خنكتني 

عقد حواجبة راد يحجي سبقتة برماية جسمي علية واحتضاني الة 

 دفو حضنة طلع قهري وضيمي  ماسيطرت على نفسي اشاهك  بخنكة واحجي 

-محتاجتك والله مااكدر بدونك ليش هيج تركتني والله ما كدر اعيش هيج لو تدري شصار بية هل فترة 

بادلني الحضن ب ايد وحدة وهو يتنهد  

همس بهدوء 

-هششش يابه ياسين يترك روحة ومايتركج