تحضى نار قلبي

حلقة الثالثة والخمسون

تحضى نـار قلبي
حلقة الثالثـة والخمسون
.
.
.
.
.
.
.
.
.
....
لن يقتنعو بأنك تتألم حتي تموت أمام أعينهم..!
تفاعلو على الحلقة فيـروزاتي

رغم الالم والصداع طلبت أشوف أطفالي..
البنت أسمها رحيل والولد أسمة غيمار.

شلت غيمار حضنتة يبچي وهارج المستشفى عكس رحيل الخانسة..

أخذة مني ياسين وأخذت رحيل من برشة.
حضنتها وحچيت
_ياسين شوفها نسخة مستنسخة من نارفين..

أبتسم بهدوء وتأملها بحنان وحچة
_من أجت للدنيا بس الفرق  رحيل خانسة ونارفين هرجت المستشفى..

تعلقت برحيل كلش ساعتين والدكتور حولها للخدج لان صار عدها خلل بالاوكسجين وأزرگت..

خفت عليها وگلبي حس راح يصير شي..
نزلن دموعي  مسحتهن بسرعة وحچيت
_لا تفاولينها سرور ماكو شيء..

أربع ساعات ورا ولادتي طلبت أشوف نارفين وخالي جابها إلي  حضنتني بقوة وبقت نايمة على صدري  ما خليتها تبتعد عني أبوس براسها وخدودها..

نارفين روحي من الدنيا فرحتي الاولى هيَ إلي طفت نار الانتقام إلي واجة بگلبي..
ماگدر أبتعد عنها بالأخص بعد ما كبرت وصارت هي تعلقنة بيها زيادة وزيادة..

ياسين وخالي  واكفين يمي  ونارفين بحضني دخلت ممرضة وجهة شاحب..
حچت بسرعة
_ دكتور علي الطفلة أنطتكم عمرها..
شهگت بقوة  ورجف جسمي..

بچيت بقهر  وردت  أبعد نارفين عني  صديت عليها عبارة عن قطعة زرگة وجسمهة الصغير بارد ثلج..
صحت بصوت مرتفع وگلبي يدك
_نارفيييييين

تقرب خالي عليها بسرعة  أخذها مني
ومددها على السدية  حط أصابعة برگبتها
حاول يگعدها  ويسمع دگات گلبها بس عبث توقف
وصد علية بعيون تايهة..
رجع صد على ياسين وهمس
_ إنا لله وإنا إليه راجعون.

مجرد حچة هيچ شهگت بصوت مرتفع وحچيت بخووف
_أحچوووو شكوو نارفين شبيها خالووو لاتزيد ألمي..

دنگ راسة وحچة
_ مو بيدنا رب العالمين هوَ أولى بعبادة..

صديت على ياسين وأشرت اله بيدي الصوت ماطلع مني
نفسي سرع بقوة وگلبي يرجف.

تقرب علية ياسين حضني لصدرة وهمس
_لاتسوين هيچ بنفسچ قزحيتي...

زدت بالبچي وصرت أصرخ بصوت مرتفع
_ياسيين رجعلي بناتي ياسيييين ما أتحمل والله
ضربتين على الراس توجععععع
فدوة رجعهن  والله مااتحمل
اااااخ گلبيييي ما أتحمللل والله..

هد حيلي  ورخة جسمي صديت على نارفين وحچيت بصريخ
_جيبوهاااااا أريدهااا  فدوةةة ياسييين جيبها اريد أشتم ريحتهااا بنتي هااي أريدهاااا...