تحضى نار قلبي

حلقة:السادسة والاربعون.

تحضى نـار قلـبي
حلقة:السادس والأربعون.
جزء
.
.
.
.
..
تفاعلو على الفقرات وصوتو على الحلقة.
منال اغلب وقتها يمنا  وبنيامين عيونة ما تتخطاها 

حتى من تشتغل على اللابتوب وتحاول تاخذ معلومات تخص  القضية 

هو عيونة لازكة ويا حركاتها بس بمجرد تنتبة علية يغير ملامحة  الى  غرور وكبرياء.. 

وهل شي ضوجني زيادة منة 
راحت  منال للشركة وگاعدين على الاكل

ضحك ياسين بهدوء  وكال 
-اشك بسالفتك يا بنيامين شكلك واكع ببنت الحجي 

مجرد حجة هيج نغزني كلبي وصارت عيني على بنيامين الي  انصدم من كلام ياسين وصارت عينة علية  أبتسم وحجة 

- لا ابد مو ذوقي  ومو ستايلي   ولاا طبقتي 

من حجة هيج ما تحملت أسكت  تركت الخبزة من أيدي  وشابكت  كفوف أدية ببعض وحچيت

-تحسسني انت فد شيء  واااااااو  والة قيمة جبيرة وتدور ذوق وستايل  ومااعتقد انت ابن او حفيد وزير او رئيس حتى تريد طبقات وللعلم منال ذوقها صعب وحلو واكيد مو انت أختيارها.

رفع حاجبة وحضن ادينة بعد ما ارتاك
بنيامين-شحارك دمج انت بس فهميني اني واخوي 

رمقتة بنضرة ضيق  وحچيت

-هو زايدة من اخوك يطرح هيج موضوع واذا ياسين اخوك فـ منال معزتها ومكانتها اكثر من الاخت والي يحجي عليها كدامي يسمع الجواب.

بنيامين: دام معزتها چبيرة اغسل ايدي بتيزاب منها.

سرور: افضل تغسل عقلك بالتيزاب لان تفكيرك مقرف وأبد مو مقنع مسوي لنفسك شأن  وانتَ عديمة.

ابتلعت ريكي واردفت
_احمد رب العالمين الف مرة لان أنتَ و ياسين رغم قوة علاقتكم بس ما تشابهون بالصفات.

وحالتك تستحق تروح مستشفى الامراض النفسية.

بنيامين: اسوي نفسي ما سمعتچ.

ردت ارد قاطعنة ياسين يگول
_ أنتم قط وفار ما عدكم استوب تحسسوني كاعد يم زعاطيط يتعاركون  ويا حچاية رجعي لمكانچ انت و منال مو  درب عشگ.

كمت من يمهم ورحت لغرفة نارفين لگيتها  نايمة  عفية النوم فلا اتعوفة.

تقربت عليها شميتها وبوستها تحسست بشرتها وگمت
طلعت من يمها.

ياسين وبنيامين خلصو أكل  اخذت المواعين غسلتهن ونضفت المطبخ وصلت لطباخ اخذت الجلافة غسلت اول حقل  وصلت الثاني سمعت صوت صياح ياسين وهو ينادي بـ أسم نارفين...

مجرد سمعت صوتة أحس انهد حيلي  وگعت الجلافة من أيدي  وباد حيلي  غمضت عيوني وأني أردد
_دخيلك يا عون بن نجم لا تفجعني بيها دخيلچ  يا شريفة بنت الحسن بنتي أمانتچ...