تحضى نار قلبي

حلقة:ثلاثون

تحضى نار قلبي
حلقة الثلاثون
.
.
.
.
.
.
. هنكون لبعض حتى لو طالت المسافات..

سكت ما زاد كلمة وحده بس حسيت  رگبتي أبتلت..
غمضت عيوني   للحضات وبادلتة الحضن.

ابتعد عني  ورفع شعر ذقنة   شوفني اثر الذبح   دموعة المبللة وجناتة   كسرن گلبي  مسحتهن بيدي وبوست أثر الذبح  

ضحك بصوت وسحبني لحضنة
_ لو اعرف هيچ تتعاطفين كان من زمان  مسولف الچ  

دفعتة  وهو ضحك بزيادة وحضني بقوة باس راسي بقوة وگال
_افييييش  ياريحتچ يا ترياق سمي 

أبتلع ريگة وكال
_تدرين ليش الله مطيح حظي وياج؟؟

أبتسمت وحچيت
_لا ليش؟

تنهد وسحب نفس من شعري وگال
_  لان كل شي على النيات   وانتِ كل نياتي.

رغم حقارتة أبتسمت وحچيت
_ شعور مبادل  تصدك؟

تهمهم  وزاد قوة حضنتة وهمس بهدوء
_ بربچ  خليني أنام مرتاح، عوفي طلايبنة  من أگعد لان باچر لازم أروح للنجف.

من طاب طاري النجف حسيت گلبي فرح هل محافظة الي بيها ناس  مجرد يمر طاريها الخنگة تصيبني والفرح يعميني..
رفعت راسي وحچيت بهدوء
_ليش تروح وشنو تسوي بالنجف؟

مال راسة تثاوب وحط  وفتح عين وحدة وحچة بصوت نعسان
_ أشوف ميساء وأمر للمقبرة صار شهرين ما رايح لأبوي.

_ليش انتِ تروح للمقبرة حتى تزور قبر أبوك؟

رد بعد ما غمض عيونة
_لا أشد وصلة على الخصر واد ك وأركص.

عقدت حواجبي ورديت با انزعاج
_ياسيييين  شبيك، وقصدي انصدمت أول مرة أعرف بيك تزورة

  ابتعد عني وارتاك على عكس أيدة وگال
_ ها  يا بعد كل خطايا ياسين، مو شلعتي لگليبي وبطيتي چبدي.
اسألچ سؤال
انتِ من تشوفين أهلچ هم تردين توصلين فكرة لفلان وعلان على يابة شوفو اني رايح أشوف المرحوم الخلص منكم بگبرة  لو تروحين بالخلس بينچ ما بين ربچ وأبوچ  تگعدين يم راسة وتشكيلة همچ وتواسين دمعتچ والشوگ يمرعد گلبچ.

صفنت بوجهة وحچيت بهمس
_مختنكة.

عقد حواجبة وأردف با أبتسامة
_هرمونات الحمل بدت تشيب گلبك يا ياسيين
اي ست   فلذة چبدي شتردين؟

گلبت عيوني  وحچيت بعد ما دفنت راسي بحضنة
_حضنك وهذا هو.
استنشقت عطرة  وغمضت عيوني  احس العطر طيب كلش..

سكت للحضات  بعدها حچة
_ سرور.

همهمت   بهدوء أنتضر يكمل كلامة..

تقرب علية وهمس قريب اذاني
_ينفع أسجل صوتچ؟؟

رديت بأستغراب
_ليش؟