تحضى نار قلبي

-67-

تحضى نار قلبي
-67-
.........
تفاعلو على الفقرات

إذا شفت الكم تفاعل أنزل حلقه باليل 😁🖤
بعد حلقتين تفصلنه عن البارت السبعين والاخير

بعد هل حادثه بيومين گاعدين اني وبرشه
إجتني گالت
-أگلچ هذا آخيل معقوله هيچ يحب مرته

عقدت حواجبي و رديت بستغراب
-شنو مفهمت؟

برشة :ولچ خيل كل نشره حزين وعلى زوجته حتى ملاحظته كل خميس ينشر الها صوره قبر
وهسه ناشر قبرها وكاتب يمه

'سفرتكِ المفاجئة يا حَبيبتي لقد غيرت كل موازين حياتي وأخلقت فجوات من براكينَ داخل فؤادي الا تقولين ما حالهَ بعد فقداني وإستسلامي لدائي'

يعني فدوه شگد يحبها هذا

منال:سامعه عنه يموووت عليها وبالف ياعلي يلا أخذها
تدرين الكاسر خاطري شنو
من توفت گال يا أبو الحسن ردتها منك وأخذتها واليوم وديتها الك تريحها وأخذتها مني

حسب ما فهمت هو من رايد يتزوجها ناخي الامام علي واتزوجها تالي هسه بيوم الي توفت هو چان مزورها الامام علي وطالب من الامام يريحها من كل هل مرض وسبحان الله نفس اليوم توفت

أثناء ما نسولف إندگ لباب طلعت برشه 
وبعد دقايق رجعت وجهة باهت ومصوفره
تگول
-س سحااابب

فزيت لازمه عمليتي وحچيت
-شبيهاا

ردت
-مزوركينهاا تزوركك ما بنشاف وجهه
روحي الها بالبااب

نزلن دموعها وعافتني ما فاهمة شي
لبست حجابي وتمشي واتسند على الحايط لحد ما وصلت للطرمه
أنصدمت بشكلها شلون عايشه ماادري

تقربت عليها كلش
وحچيت
-أهلاً سحاب

مجرد لمحتني عيونها غورگن وشهگاتها تسابقن
تقدمت عليه حضنتني بدون مقدمات وگالت
- نمنمه ساعدينيي

بادلتها الحضن وحچيت
-حبيبتي غير أفهم شبيچ شصاير وياچ
عوفي البچي يبعد روحيي

أبتعدت عني ومسحت دموعها وگالت
- تعبانه والله منايمه من تلث أيام
خايفة لا يعرفون ضيغم ماخذني يمه ويرجعون يأذوني

والله والله هل مره يموتونيي

تنهدت وحچيت
- كافي لا تأذين نفسچ
تعالي ندخل جوى حتى ترتاحين..

سندتني ودخلنا جوى
گعدت على القنفه  وحاضنه جسمها

ودموعها تشرح حالها
شكلها يخوف على گد الكدمات الماخذتها
حتى شفتها مشكوكه  وجبينها مورم أزگ

زفرت نفسي وأخذت جهازي دگيت على بنيامين ما يرد عليه
عل واحد من أحتاجه ما الگا بكل مره