تحضى نار قلبي

الحلقة:السادسة

تحضى نـار قلبي
حلقة: السادسة
.
.
.
.
.
.
. أّتُهَا السّاكِنة فِي دَمي
تمهّلي إن مَررتِ بقَلبي المشيب.
..
.
فتحت الباب ودخلت السيارة.
نزلت منها 
ودخلت للبيت.

رحت وراها وگفت على اول درجة گالت
_مبروك على الزواج يا ذو القلب المشيب.

نهت كلامها بضحكة وصعدت.

نزعت السترة  والرباط.
فتحت الازرار وگعدت على الكرويتة.

مرت  لحضات  خلاف بين گلبي وعقلي بسبب اختفاء اخت سرور او ليش هيج غرباء الاطوار؟

هزيت راسي  وبدون تفكير صعدت الها حتى اعرف.
وصلت قريب غرفتها واسمعها تحجي بعصبية.
_يغبي ما اريد سلطان يعرف اتزوجت اخو شلون افهمك هاا شبيك لهل درجة مستغبي.
ونادية هم يجي دورها لا تخاف.

ضحكت واردفت
_منو گال احب عساف لا راحت سرور الي تحبة
وتحس بي مصدر أمان
بسببة هوة خسرت كل شي
و بسبب طيشة وگعت بمصايب
سنة كاملة مرت علية زقووم وزواجي منة هو انتقام

  فركت وجهي بقوة  احاول افتهم الي سمعتة..

تنتقم مني؟!  واني شعلية بشنو مأذيها ليش هيج أسلوبها غريب والاغرب كلامها..

منين تعرف سلطان؟!!
وليش ماقبلت يجي وياي مرتض؟؟

هي منو اصلاً  و ليش عمها هيج مخلوس

كل هذا بكفة وزواجنة السري بكفة ثانية!!

سرور يا سرور شنو الي ناوية علية..

قطع تفكير فتح الباب وصوتها.
_ تعلم لا تتصنت  خلف الباب، الي تريد تعرفة تعال وگول اريد اعرف كذا شي.

نضراتي تشخصت عليها.

مررت كف ايدها يمين وتعاود حركتة لليسار..

ابتعدت عنها  وحجيت
_ نزلي سرور عندي كلام مهم وياج.

حركت كتفها ونزلت گدامي مرتدية ثوب نوم من الزمن الفكتوري بالون الابيض..

گعدت گدامي  حطت رجل على رجل  مشابكة كفوف ادينها مركزه علية..

دخلت ايدي بجيب بنطلوني وصديت عليها حجيت
_منين تعرفين سلطان؟! وليش ماتردينة يعرف بزواجنة؛!

ردت  بعدم اهتمام
_ نفس ما عرفتك عرفتة للاسف وليش ما اريدة يعرف
امم
سؤال بالوقت الغير مناسب يا عساف.

غمضت عيوني  كاز اسناني.
فتحتهن وشخصت نضري عليها متكلم.

_سرور بدون الغاز.
عوفج من سلطان وگولي ليش تردين تنتقمين مني؟

فتحت ادينها ونضرت لـ اضافرها  وردت
_بكل بساطة الي يدوسلي على طرف ما ينام اليل.
وانتَ مو بس تدس لا انتَ  بسبب طيش تفكيرك الي بعدة ما ناضج خسرتني سنة كاملة من عمري.