تحضى نار قلبي

حلقة الخامسة والخمسون

تحضى نـار قلبي
الخامسة والخمسون
.
.
.
.
.
......
تفاعلو على الفقرات فيروزاتي..
، سويت قناة تلي تلگون رابطها بالبايو.
من البارحة واليوم أكتب بهل حلقة 🖤
....

هزيت راسي وحچيت
_أريد أنام بابا أقرا على راسي..

تنهد بهدوء وأردف
_غمضي عيونچ ولا تفكرين بشيء..

لحضات وردد سورة الفاتحة  أكثر من مرة لحد ما نمت..
صحيت الصبح على  صوت أبوية.

أنطاني الريوك وباس راسي وگال
_  أنطي فرصة لنفسچ بنتي لاتبقين هيچ خانكة روحچ بالبيت..

هزيت راسي وطلع..
بقيت بالبيت على نفس گعدتي..

الساعة ستة ونص المغرب
أندك الباب طلعت  اسحل بنفسي صحت منو محد رد علية.

فتحت الباب  على كيف شفت بوكس چبير مغلف أبتسمت وحچيت بگلبي

معقولة بابا دازة؟؟

سحبت البوكس كان ثقيل بعض الشي   وأكو ورقة مكتوب عليها
Surprise Manal

فتحت الشريط والتغليف كانت ممتلئة بالقش  دخلت أديني وتلمست حسيت فد شي خشن على  نعومة بملمسة...

طلعته وأنصدم صدمة عمري..
ماحسيت على نفسي غير صارخة وشامرة الرأس  من أيديي..

جسمي رجف وشهگاتي تسارعن أحس النفس نگطع ويا ما ركزت على الملامح المملية بالدم..

صارت عيني على أديني كلهن دم!!
اي دم ، حبيبي على أديناتي  حضنتهن لوجهي وأصرخ بصوت مرتفع..

تمنيت الدنيا توگف وأني بمكانة  مستحيل أتحمل  هو أبويا وأمي وكل أهلي وناسي ما حسيت بطعم اليتم دام هو ساندني بس هسة بعد ياهو اليسندني؟!..

أضرب على وجهي بقوة وشكل ما رايح من بالي أبويا حبيبي وأميري هيچ يصير بي..

حسيت على صوت ياسين يناديني مجرد شاف المنظر الگدامي شهگ بصوت مرتفع وكال
_لا اله الا الله..

بعدت أديناتي وحچيت
_عليك الله گلي أحلم  رجعلي أبويا فدوةةة..

غمض عيونة ورفع راسة للسما.
صد علية وهمس بهدوء
_گومي يابة دخلي..

شهگاتي علن ودموعي زادن.
سرور بدل ما توگف وياي صارت تبچي هم.

صاح ياسين لجيرانا دخلتنة للبيت.
گعدت بعتبة باب الكلدور محتضنة جسمي ودموعي على خذي.

الضهر مابي شيء گاعد يمي وهسة عافني..
لليل عمامي إلي ما شايفة شكلهم ترسو البيت والصياح أعتلة وإلي يكلك عشرة عمر وهم ما شايفيني بحياتهم..

عماتي يبچن ويصرخن درجة أنبح صوتهن.
يومين كلها واگفة وياي النوم مجافي عيوني مستحيل أگد أنام وتغفالي عين..