#CONVERSION
#ConsentedReversion
Chapter 7 - Episode 30: Commiseration (June 1, 2021)
"Wala na 'kong balita sa kanila nang makauwi ako kila ate Nico kaya mas lalo ko silang naiisip pero 'di ko sinasabi sa kanila."
2018
"Oo, Death. Alam ko na mahal mo si Terrence pero h'wag kang palulugmok. Isipin mo lang na magiging maayos ang lagay n'ya, nila ni Law." pagyakap ni Ara sa pinsan pagtapos nitong patayin ang tawag hanggang sa makarinig sila ng maraming sasakyan.
"Ayan na yata sila tito!" nasabi na lang ni Death bago pumiglas mula kay Ara at tumakbo papunta sa labas upang makita sina Roselyn, Rudolph, Nico at Den.
"Death, sumama ka na muna kila Nico. Safe ka roon, okay?" panimula ni Rudolph.
"Ayaw ko po, paru. Gusto ko pong narito s'ya na magkasama kami." pagtanggi ni Death.
"Alam ko naman na gusto mong makasama ang kapatid mo, pero kailangan mo ring isipin ang sarili mo at relax ka lang kasi magtutulungan kami para mailigtas namin sila Law kaya roon ka na muna sa tita mo?" pakikiusap ni Rudolph kay Death.
"Sige po, paru. Sasama na po ako." pagkasabi nito ay lumabas si Ara.
"Magkita na lang tayo soon. Maging safe ka." yumakap si Ara kay Death.
"Sige, aalis na kami, kuya Rudolph. Tara na, Death." pagpapaalam na ni Den. Sumama na si Death sa kanila hanggang sa makauwi sila sa bahay nina Nico at Den.
"Death, gusto mo bang kumain?" pangungumusta ni Nico kay Death pagpasok nila sa bahay.
"Ayaw ko, ate. Matutulog na 'ko." malamig na sagot niya sa tiyahin.
"May tampo ka pa ba sa 'kin? Sorry dahil do'n pero alam naman nating lahat na mali 'yon." biglang tanong pa ni Nico sa pamangkin.
"Hindi, ate. Gusto ko munang magpahinga. Ayaw ko munang isipin ang mga nangyari ngayon." sagot na lamang ni Death at iniwan ang mag-asawa.
"Kausapin ko muna s'ya. Ayos lang ba sa 'yo?" suhestiyon ni Den.
"Sige, pero tigilan mo 'yan o agad kong ipapuputol 'yan." banta pa ni Nico bago itulak ang asawa patungo sa direksyon ng kuwarto ni Death.
"Death, papasok ako ah?" pagkausap ni Den sa pinto bago pumasok.
"Kuya Den..." nasabi na lang ni Death nang makita ang tiyuhin sa pintuan. Agad na lamang siyang tumakbo at niyakap ito.
"Kuya, 'yong boyfriend ko. Hindi ko alam, kuya. Wala akong magawa. Ni hindi ko alam kung nasaan sila. Kung sanang naging matapang lang ako at malakas, hindi sana mangyayari 'to sa kahit isa sa 'min. Alam mo kuya, naaawa na 'ko sa kahinaan ko. Ayaw ko nang maging gan'to. Bakit 'di na lang kasi ako naging lalaki talaga?" mga nasabi na lamang ni Death habang magkayakap sila ni Den.
"Sige, Death. Iiyak mo lang. Narito kami ni Ni para sa 'yo. Sana maging mas maayos ka na bukas." tugon lamang ni Den bago ihigang muli si Death at lumabas mula sa kuwarto nito.
Kinabukasan...
"Death, bilis na! Baka uminit na 'tong mga pagkain." sigaw ni Nico mula sa hapagkainan.
BINABASA MO ANG
Conversion (Consented Reversion)
Romance[FIL] Some people's sexual preference will interchange. 'Alam mo, para kang noob sa mga horror games na tago nang tago sa closet. Lalabas ka saglit tapos babalik ka ulit sa loob. Parang kasarian ko, mo, natin.' Pinangalanang kamatayan na kayang magp...
