*الحب الأسير*
Doaa
(17)
{هنّ سبعٌ عجَاف يأتي بعدهنّ ما يُقيم انحناءَ قلبٍ أوشكَ على السّقوط ، فلا تجزَع❤}
ومع اول صرخه للمولود الجديد❤ .. رجع النور للدنيا بعد م غشاها ظلام وحزن .. رجعت الروح ل بيان بعد م كانت روح بلا جسد .. فتحت عيونها ببطئ شديد ونست كل الألم بعد م شافتو .. شافت فيهو وش عزوز .. كان صغييير وببكي شديد .. بيان دموعها نزلت وبكت ب فرح وهي بتهمس بـ الحمد لله❤.
مسكت يدو الصغيره وقالت : حبيبي انا جنبك م تبكي.
بعدها الممرضه شالتو منها بعد م الحَ عبودي الا يشوفو .. جات الممرضه طالعه وهي شايلاهو وهنا ياسمين ومريم زغردوو .. عبودي شالو براحه وب حماس قال : هي طلع ولد .. احييييييي م قادر م قادر اصدق.
محمد ودموع الفرح ف عيونو : ممكن ندخل ليها؟!
الممرضه : دخلناها الغرفه التانيه ممكن تدخلو بعد د .. لكن م كلكم عشان م تزعجوها.
محمد هز راسو ودخل ل بيان باس راسها كم مره وقال : الحمد لله ي بتي .. الف الف مبروووك .. يتربى في عزكم ان شاء الله.
بيان بحزن : في عزكم؟ .. عزوز ماف لكن.
محمد قعد جنبها وقال : م حيحس بأنو فاقد ابوهو ونحنا كلنا معاكي ومعاهو .. عزوز قاعد ف قلوبنا ي بيان.
عبودي جا داخل وهو شايل البيبي : بيان حببتي الففف مبروووك ياخ .. الود زي صباح العيد ماشاء الله جمال شديد.
بيان شالت البيبي براحه وقالت : الحمد لله يارب .. خليك قدر كلمة خالو حاضر ؟
عبودي باس يدها وقال : اكيد اكيد.
بيان عاينت ل البيبي بعمق وعيونها بلمع فرح وقالت : عبد العزيز❤.
______________________
ف البيت الكبير ..
كانت راقده جنب البيبي .. لابسه عباية بيت جميييييله .. الناس كانو داخلين ومارقين يباركو ليها.
مريم جات داخله وادتها طرحه وبأبتسامه قالت : شهاب جاي يبارك ليك.
بيان لبست الطرحه وشهاب جا داخل ب جلابيه بيضاء ومدخل يدينو ف جيوبو.
شهاب بأبتسامه وهو بعاين ف الارض : مبروك المولود ويتربى ف عزكم ان شاء الله.
بيان بأبتسامه : الله يبارك فيك.
شهاب عاين للبيبي وقرب منّو وشالو بحذر وقال : ماشاء الله شايل ملامح ابوهو.
مريم بحزن : مشى وخلا لينا قطعه منّو .. ربنا يرحمو ويجعل قبرو روض من رياض الجنة.
كلهم : آمييين يارب.
عبودي وقف جنب شهاب وقال : اديني عبد العزيز عبد العزيز د.
مريم ضحكت وقالت : ومالك ي بيان مُصره على اسم عبد العزيز!
بيان : والله ي خالتي م بقدر م اقول اسم عزوز .. م عايزه انساهو نهائي.
عبودي قعد جنب بيان الهمست ليهو : انت ي عبودي حايم فيني زي الدايه كد مالك؟ .. امشي اقعد مع الناس.
عبودي : عايز اقعد مع ولدي شويه انتي مالك!
شهاب باس البيبي ف خدو ومرر يدو على شعرو الخفيف .. كان حاسي انو فاقد احساس الأبو .. واتذكر كلام مروة ام بيسان انها كيف كانت بتقول عليهو عقيم من غير حتى م تعمل حساب ل مشاعرو .. رجع ل واقعو ب صوت مريم القالت : عقبال مرت شهاب يااااااارب.
شهاب بأبتسامه عكست الحزن الجواهو : عقبال مرتي شنو ي امي عليك الله.
مريم : م تقول كد ها .. ربنا بـ يدو اي شي.
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
