*الحب الأسير*
Doaa
(20)
بيان بضحك : شنو؟ .. مستحيييللل.
_المستحيل شنو؟
_انا راجلي عزوز.
_ي بت انتي ولدك عمرو سنه وتربيه الولد محتاجه ابو وانتي يعني م عندك مانع تعرسي تاني الحياة م بتقيف على حاجه وحده .. انا واخوك معاك واي حاجه لكن انتي الافضل ليك تعيشي ف بيت زوجك ويكون عندك اولاد وبنات كتار.
بيان : لالالا .. وبعدين وجدي د زي اخوي مستحيل افكر انو ممكن يكون زوجي.
_ب راحتك .. لكن موضوع السفر د فكري فيهو عشان تغيري جو وتقري ولدك احسن قرايه.
_بفكر ف الموضوع.
محمد وهو بقيف : فكري كويس وكلو ل خير.
بيان غسلت العده ودخلت ل عبودي ف الاوضه.
عبودي خت التلفون وقال : احي ي تركيا جاك زول.
بيان قعدت جنب البيبي النايم وقالت : وحتخلي علي؟!
_لالا حسوقو معاي .. حكلم امو وابوهو واقنعهم.
_انت جنيت هو كبير البيت.
_عشان هو كبير البيت لازم يسافر بره عشان يقرا قرايه كويسه ويعمل الماجستير ويجي ب كل فخر😌.
بيان رقدت جنب البيبي وقالت : مشششم محن.
عبودي مده ليها التلفون وقال : بيان رسلي لي صور البيبي كلها الفي تلفوني.
بيان شالتو وهو طلع وقبل اي شي دخلت المعرض وشافت صور بنات كاسيات عاريات .. استغفرت وطلعت فتحت الواتس ارقام البنات تطاقش والسب يوديك الدرب.
عبودي جا داخل وقال : رسلتيهم خلاص!!
بيان عاينت ليهو مساااافه وقالت : كدي اقعد لي هنا دقيقه عايزاك.
عبودي بلع ريقو وقال : بس م تكوني دخلتي منطقة الخطر.
بيان صلحت قعدتها وهي ماسكه تلفونو وقالت : عبد الرحمن انا م عارفه انت لي م بتستوعب .. يعني انت قايل انت كد رهيب؟! .. قايل البنات واولاد حيقولو الولد د عنتر وزول ظابط عشان بتصرف تصرفات مراهقين م عارفين الصح من الغلط؟؟ .. انا م عايزاك تبقى زي الاولاد الم متربيين كويس ديل .. م صح تشوف صور بنات م كويسات ولا صح تعاين للبنات اصلاً .. خليك عندك هيبه ورجوله وغض بصرك لمن تشوف بت .. انت م تتابع لي الاولاد الفارغين المبارين البنات والطلعات ود ارتبط مع دِ وداك عمل لي ديك شنو وتسب وتقول كلام م بشبهك ولا بشبه تربية ابوي وتربيه امي .. انت بتعكس صورتنا .. الحياة م بس طلعات وبنات وكلام فاضي وتتنافس ف الشعرو اطول منّو .. ولا تتنافسو ف بت ولا تتنافسو ف حاجات فاااارغه .. افهم ي عبد الرحمن فاااارغه .. م عندها اساس .. حتكبر وحتشوف انو الكنت بتعملو د عباره عن سراب كنت ماشي وراهو .. م تباري هوا نفسك .. م اي شي لازم تجربو .. انت هسي بتقرا قرأن؟! .. بتفهم ف دينك؟! .. بتعرف الاساسيات العليك شنو والم عليك شنو؟! .. م حتعرف حاجه طول م انت همك كلو تعمل البعملوهو الاولاد .. كلمة راجل كبيره شديد .. انت قايل الرجولة د بالطلوع من البيت؟ قايلها بالشعر ولا بـ السب ولا بالعضلات؟! .. قايلها بكم بت بتعرفها؟! .. خليك راجل عشان الناس تحترمك وتقدرك وخليك مثال للرجال يضربو بيك المثل .. اولاد الزمن ديل غير الفارغة م عندهم حاجه .. زمان الناس بتنافسو ف البحفظ جزء من القران هسي حنكته دِ ودِ رقدت لي ودِ قالت لي وحاجات م بتنفع .. بعدييين لمن تكبر حتفهم وحتعرف انو الكنته بتعملو زمان كلو كان فراغ م اكتر .. صلي الصلوات ف المسجد واتنافس ف قرايتك وف قرايتك للقرأن وم تهتم بالبنات كتير ركز على مستقبلك وشوف عايز تبقى شنو .. وبنات الناس م لعبه عشان تتفرجو ف صورهم انت واصحابك .. انا م عايزه اكورك فيك ولا اكسر ليك تلفونك عايزاك تقتنع انو د غلط وم صح .. انت عمرك 19 سنه يعني م صغير عشان اقول م بتفهم .. وهسي امسح كل الصور وامسح ارقام البنات وابدا حياة جديدة .. عشاني ي عبودي عشاني بس🙏❤.
عبد الرحمن من غير م يقول كلمه شال التلفون ومسح كل الصور وكل الارقام وطلع من كل القروبات الفي التلفون وختاهو جنبو وقال : عايز اعترف ب حاجه لكن م تهيجي فيني.
بيان بأبتسامه : شفته اكعب حاجه وم هجته وم اظن حيكون ف حاجه اهيج فيها تاني.
عبودي بتردد : اليوم الاتشاكلنا فيهو مع ناس محمد وانتي جيتي شاكلتيني في البيت .. طلعته وسجرته .. وك....وكنت مواصل فيها فترة ...لكن الحمد لله ب مساعدة علي خليتها والله .. وم حرجع ليها تاني نهائي.
بيان ربتت على كتفو وقالت : طول م انت خليتها واعترفته لي فأنا مبسوطه منك جداً❤.
عبودي ابتسم وحضنها وقال : ربنا يخليك لي ي بيان.
_امين يارب ويعقلك ويهديك ويسدد خطاك وم تشوف شر ف حياتك❤.
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
