الحب الأسير

(32)

*الحب الأسير*
Doaa
(32)

فتحت النور وقفلت المكيف وهي بتقول : شهاب .. قوم .. كفاك نوم الساعه 10 جات .
فتح عيونو ببطئ وبصوت نعسان قال : 10؟؟ .. نمته د كلو؟
فتحت الدولاب وطلعت قميص ابيض وبنطلون اسود وختتهم جنبو وهي بتقول : قوم الليله يوم مهم شديد .
قعد ف نص السرير وشعرو مبهدل وبنطلون مرفوع وبنطلون
نازل.. شكلو كيوت شديد .. بيان عاينت ليهو وقعدت تضحكك .
وقف واتجه عليها نقرها على خصرها وقال : تضحكي فيني انا؟
ضحكت وزحت يدو ولزتو على الحمام وقالت : خشش الحمام واستحمى سرييع ...
مده يدو فتح الستاره بدهشه وقال : الساعه 6 ي بت الشمس م شرقت كويس!!
وقفت جنبو وقال : عارفه ياخ .. انت خش استحمى عشان نحجز.
التفت عليها : نحجز شنو؟
_م تكتر أسأله سريع ياخ.
خته يدو ف بطنو وقال : بطني واجعاني من الحاجه البتشربيها لي!!
_م منها .
_لالا منها انا لي شهور بشرب فيها م عملت لي حاجه غير وجع بطن.
بيان لزتو على الحمام وقفلت الباب ومن ورا الباب قالت : استحمى والبس وانتظرني تحت .
قالت جملتها ودخلت ف عباية ولفت طرحه ونزلت لقت مريم وسلمى واقفه بتقيس ف فستان والبيبي ورهف بلعبو بالمكعبات .
صبحت عليهم بأبتسامه وقالت : الله .. فستانك جميل.
سلمى قعدت جنبها وقالت : تسلمي يارب .. طبعا بقيس الفستان عشان عرس بت خالتك.
بيان بأبتسامه : ايلاف .. ايوا صح عرسها بعد يومين .. لازم امشي ليها من الليله عشان اجهز معاهم .
_هي محبوسه وين؟
_ف بيت عمتها .
_ايوا .. وانتي ماشه وين؟؟
بيان غمزت ليها : مفاجأة .
مريم : خلاص خلي البيبي معاي .
_اي اصلا م ينفع اسوقو .. م بتأخر ان شاء الله .

" السلام عليكم "

مريم : صباح الخير .. على وين يخوانا ؟
شهاب باس راسها وقال : والله انا زاتب م عارف مودياني وين.
بيان بنبرة طفولية : مفاجأة مفاجأة مفاجأة😌.
شهاب طلع مفتاح العربية من جيبو وقال : طيب مفاجأة مفاجأة .. ارح .
ودعوهم وطلعو .. وقف جنب باب عربية من نوع (مرسيدس) كبيرة لونها اسود .. وفتح الباب وركب وبيان ركبت قدام واتحركو .
شهاب وهو منتبه مع الطريق : طيب لمحي لي ماشين وين؟
عاينت ليهو بضحك : مودياك المستشفى المح ليك ل شنو؟؟😂
داس فرامل ووقف العربية والتفت عليها بصدمه : مستشفى؟؟
بيان ضحكت شديد وقالت : والله ي شهاب حاسه ب الم في...
عقد حواجبو وقال : ف شنو؟؟
_ف النخاع الشوكي.
شهاب بصدمه : شنوو؟؟؟
ضحكت وقالت : م بعرف اشرح عايزه امشي الدكتور عشان اشرح ليهو.
هز راسو بعدم حيلة واتحرك على المستشفى القالتها ليهو .

وصلو ونزلو .. بيان اتوجهت ناحية دكتورة معينه وسلمت عليها وقالت : احمم .. زي م قلته ليك ي دكتورة.
الدكتورة عاينت لي شهاب بأبتسامه وقالت : د هو صح؟
بيان ختت يدها ف كتفو وقالت : ايوا .
شهاب عاين ليها بأستغراب ودهشه وقال : عايزين تبيعو اعضائي ولا شنو؟
بيان لزتو ل غرفه المشفى وقالت : اعضاء ف عينك .
شهاب زحه منها وقال : ولا شبر م بمشي وروني ف شنو؟
_ماف شي ياخ حتعمل ليك فحص.
_انا شديييد وم عندي عوجه .
_شهاااب بليززز.
بعد تحانيس شهاب وافق وهو م مقتنع .. ودخلو الغرفه وبدت تعمل ليهو فحوصات ..
بعد مسافه الدكتوره طلعت وقالت : والله ي بيان النتيجة بتاعت الفحص م بتطلع الا بعد تلاته ايام.
_تلاته ايام كتيرة .
_والله تقولي شنو بس .. بتصل عليك وتجي تستلميها تمام؟
_خلاص تمام م مشكله .. تسلمي ي دكتورة م قصرتي .
الدكتورة بأبتسامه : العفو د واجبي .
شهاب طلع من الغرفه ووقف جنب بيان.
بيان بأبتسامه : حاسي ب شنو؟؟
_حاسي اني عايز امشي الحمام وم اجي المستشفى د للأبد.
ضحكت وقالت : حنجي بعد تلاته ايام .
_امشي براك م بحب المستشفيات .. انا عايز اخش الحمام!
_خش وانا بنتظرك ف العربية.
طلع مفتاح العربية من جيبو واداهو ليها وهو اتوجه ناحية الحمام ... وهي طلعت ركبت العربية وفتحت التلفون رسلت ف SMS《الخطه ماشه كويس .. وقالو استلم النتيجة بعد تلاته ايام》
م انتظرت كتير لحدي م لقت الرد 《تمام》
دخلت التلفون ف الشنطة وشهاب جا .. ركب وقال : قالت عندي شنو؟
_فقر دم .
التفت عليها : وين النتيجة ؟؟
_قالو م بتطلع الا بعد تلاته ايام .
_وهي كيف عرفت والنتيجه لسه م طلعت؟
بيان بأرتباك : ماا هي دكتورة وبتعرف الاعراض.
_انا اصلا م وريتها عندي اعراض؟
_هي بتعرف.
_ممممممم كويس .. قلتي لي عايزه تعملي فحص عشان عندك الم ف النخاع الشوكي .. ولمن نمشي القاك متفقه مع الدكتورة وقالت عندي فقر دم والنتيجة لسه م طلعت ... برافو عليك انا تميت ال 6 سنين اول امبارح.
_مشكلتي م بعرف أكذب .. المهم خليني من د .. عايزه امشي المقابر ل عزوز.
عاين ليها بأبتسامه : حاضر💕.
فعلا مشو المقابر وقعدو كتير ويدعو ليهو وبيان بينها وبين نفسها تحكي ليهو الحصل وكيف ولدو عبد العزيز كبر وبقى بمشي وبنطق الكلمات غلط .. وكيف انها مشتاقه ل شوفتو وكيف شهاب بحترمها وبحبها .. اتكلمت معاهو كتير ودعت ليهو اكتر وبعدها قامو اتحركو على العربية .
شهاب اتحرك على الشارع وقال : اشتري ليك فستان للعرس؟
_لالا عندي فساتين كتيرة والله .. ايلاف زاتها عايزانا نلبس لون موحد .
_انتي تبع الشباين صح؟
_طبعا😌.
_عاملين العرس ف صالة؟
_لالا ف بيت العريس .. بيتهم زي فله وحيعملو ف الحديقه حقت البيت .
_والله كويس .. حيكون ظابط شكلو كد .
شبكت اصابعها وقالت : متحمسه شديييد .
ضحك على تصرفاتها الطفولية وقال : اوصلك ليهم بعدين؟
_ايوا حأعمل الغداء وادخلو التلاجه واشيل ملابسي واطلع .
_وعبد العزيز حتسوقيهو؟
_اكيد .. اية هناك بتمسكو لي .
_وعبدو وعلي م جايين؟
_بتصل على عبدو وعلي من اول امبارح واحد عايز يرد ماف.
_احتمال شغالين امتحانات!!
_م عارفه احتمال .