*الحب الأسير*
Doaa
(30)
الساعه 7 صباحا ..
كانت قاعده ف البلكونة وماسكه كباية قهوة ب يد والتلفون ب يد .. استعدلت ف قعدتها وقالت : حاول ي عبد الرحمن.
_ي بيان اقول ليك الاجازه بتاعت السمستر التاني اسبوع بس.
_انت مش قلته لي شهر ؟؟
_كنت قايلها شهر .. وبعدين ابوي م حيقدر لانو شغلو كتير .
_يعني م حتنزل السودان ؟؟
_انا من قبيل بقول ف شنو!!
_والله ياخ كنت عايزه اشوفك .
_انتو باقي ليكم شهر وتنزلو السودان صح ؟
_ايوا .
_سلمي لي على خالتو هند وبناتها .
_حاضر .. لكن والله اشتقته ليك ياخ .
_م حنك بنتلاقه مره تانيه .
_ربنا يسهل .. يلا .. سلم على علي وابوي .
_حاضر .
بيان قفلت الخط وطلعت الهول .
شهاب : نؤ نؤ نؤ ماف ليك تاني .
بيان قربت منهم وقالت : مالو ؟
_بأكلو ف الكيكة ببزقها وبضحك .
بيان شالت منديل من التربيزه الجنبها ومسحت ليهو خشمو وقالت : كد عيييب م عايز تاكل قول م عايز .
البيبي عاين ل شهاب وبكى وهو بقول : بااابااا .
بيان : بابا ف عينك شايفاك ادلعته .. شهاب تاني الولد م تدلعو كد لانو اتعود اي شي يتبكى وانت تعملو ليهو.
شهاب بأبتسامه وهو بمسح على راس البيبي : لسه صغير خليهو.
_لا م صغير ولا شي .
شهاب عض سبابتو وقال : الليله ماما زعلت قول ليها معليش.
البيبي عاين ل بيان ب صرة : مااااام .
بيان قرصتو ف خدو ب خفه وقالت : اوعك تقول لي مام.
فجأة البيبي صرخ وقعد يبكي ب اعلى حسو😂.
شهاب شالو سريع وهو بهز فيهو : خلاص م تبكي حبيب بابا م تبكي معليش.
بيان بضحك : ف بكى من غير دموع عشان تعرف الدلع .
شهاب ضحك وهو بربت على ظهر البيبي .. قربت من البيبي من ورا وقالت : خلاص معليش حبيبي.
لفه راسو منها وهو مكشو وشو .. جاتو بالجهة التانيه وقالت : لي تزعل من ماما ي حلو ؟؟
شهاب اداها البيبي وقال : هاكي راضيهو .
شالتو وقالت : اديني ممح.
البيبي عاين ليها وم عمل اي ردت فعل .
شهاب باس خد بيان وقال : مممح ل ماما.
بيان ابتسمت ب خجل والبيبي قرب خشمو من خدها وزحاهو تاني وابتسم.
شهاب صفق وقال : شاطر .
بيان حضنت البيبي شديد وقالت : بحبك شديد .
شهاب شبك يدينو امام صدرو وصرة وشو : وانا م بتحبيني يعني ؟؟
بيان بغمزه : معقولة م احب راجلي !!😉
لفه يدو حولهم وقرب منهم وقال : انتو عوضي الجميل❤.
°•°•°•°•°•°•°•°•°•°•°•°•°•°•°•°•°•°
بعد مرور تلاته اسابيع ..
كانت بتتصفح النت وفجأة ختت التلفون وطلعت الهول لقت البيبي راقد ف الكنبة وبتفرج ف التلفزيون .. قربت منو وقالت : حبيبي انا ماشه السوبر ماركت هنا وجاية م بتأخر.
البيبي عاين ليها ورجع يتفرج .. قامت شالت الجاكيت لبستو ونزلت من الفندق .. مشت شوية ودخلت السوبر ماركت سألت من الحاجة العايزاها وم لقت .. طلعت وهي بتفتش مكان ممكن تلقى فيهو ضالتها .
●
دخل الفندق وطلع جناحو .. دخل يدو ف جيبو وطلع المفتاح فتح الباب ودخل سمع صوت البيبي ببكي .. جرى الهول لقاهو واقف ف الارض ومتكل على الكنبة وبحاول يمشي .. شالو وهو ببوس خدو : مالك بتبكي؟
التفت يمين وشمال وهو بنده على بيان وماف اثر ليها .. استغرب وطلع البلكونه وم لقاها .. دخل الحمام غسل ليهو وشو طلع وقعد ف السرير ورقدو ف فخذينو وهو بغني بصوتو الخشن : النوووم النوووم .. تعال ل عزوز .. خليهو ينوم ...
لحدي م نام رقدو براحه .. واول م سمع الباب بفتح طلع لقى بيان بتقفل ف الباب .. قرب منها وشبك يدينو امام صدرو وقال : بيان!!
بيان التفتت عليهو : ايوا .
عقد حواجبو قال : كنتي وين ؟ .. عبد العزيز جيت لقيتو ف البيت براهو.
ابتسمت ب هباله : والله مشيت هنا السوبر ماركت وجيت .
شهاب بجديه : وتخليهو براهو ف البيت؟؟ .. وبعدين انا من جيت ليك نص ساعه ماف د كلو سوبر ماركت ؟؟
_كنت عايزه حاجة كد وم لقيت ف السوبر ماركت القريب اطريت امشي مكان تاني .
_تصرفك م مسؤول نهائي .. فكري قبل تتصرفي تاني .
قلبت عيونها بملل وقالت : حاضر .. هسي وين البيبي؟
شهاب وهو بمشي : نايم .
بيان بعد اتأكدت شهاب دخل الغرفه جرت المطبخ طلعت كنكه الشاي وكبت فيها موية وغسلت العشبه الجابتها معاها وغلتها ف المويه.. بعدها كبتها ف كباية ودخلت الاوضه ل شهاب .
_اتفضل.
شال الكباية : د شنو؟
_انت بس اشربو.
شرب شوية وقال : د شنو .. طعمو م حلو .
بيان ضحكت على تعابير وشو وقالت : انت اشربو بس .. قالو كويس بزيل الصداع وبقوي المناعه
_لكن انا الحمد لله م عندي صداع ومناعتي قوية .
_انت اشربو بس.
غطى نخرتو وشربو ف جغمه وحده وبلعو.
بيان قعدت جنبو وقالت : استحميت؟
_ايوا.
_اعمل ليك الغداء ؟؟؟
شهاب وهو بتمدد على السرير : حأخد غفوة اول .. تعبان والله.
بيان غطتو وغطت البيبي وقالت : افتح الدفاية ولا كد كويس؟
_اي ممكن تفتحيها عشان البيبي الجو بارد عليهو .
اتحركت على الدفاية فتحتها وقربت من شهاب باستو ف راسو ومررت يدها على شعرو الناعم وقالت : بالشفاء يارب❤.
وهو بدورو ابتسم بأمتنان : مع اني م فاهم بالشفاء د شنو لكن تسلمي م قصرتي ي جميل .
قال جملتو وغمض عيونو ... وهي شالت الكباية وطلعت دخلت المطبخ غسلتها وطلعت الهول قعدت ف الكنبه فتحت التلفزيون .
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
