*الحب الأسير*
Doaa
(23)
دنيا اتوجهت ب نظرها للزول الطالع من باب العماره واول ما الضوء ضرب وشو انصدمت وهي بتهمس بـ : عبودي ؟؟
عبد الرحمن قرب من الولد ومن غير م يعاين ل دنيا بصوت حاد قال : عايز شنو ؟؟؟
حسين ابتسم بسخريه وقال : وانت تطلع منو ان شاءالله ؟؟
_م ترد على سؤالي بسؤال تاني!
حسين رفع حاجبو وقال : شنو عايز شنو د اختي يااا****
عبد الرحمن بحركه سريعه مسك الولد من ياقه قميصو وضغط على اسنانو وهو بقول : ادخل انت وامك قبل م استعمل معاك اسلوب م يعجبك .. واتلفظ احسن ليك.
حسين ضربو ف بطنو بقوه .. عبودي رجع ل ورا وقبل على دنيا وقال : اطلعي فوق ل نورا.
دنيا : لكن ان.......
عبودي بصوت عالي : م حعيد كلامي تاني.
عاينت ليهو بخوف وطلعت فوق ب سرعه وعيونها اتملت دموع .. عبد الرحمن عاين ل حسين بغضب ونزل فيهو ضرب.
_____________________
" عبدو د طار وين؟ "
علي قال جملتو وهو بقيف بعد م سمع باب الشقه بخبط .. اتوجه ناحيه الباب واول م فتحو عيونو بقو كبار وهو بعاين للبت الواقفه.
دنيا وهي بتعاين ف الارض : معليش جيت ف وقت م مناسب.
علي : ...
_نورا موجودة ؟؟
علي : ....
دنيا رفعت عينها وقالت : لو سمحت.
علي هز راسو وقال : ا اي مو موجودة.
زح ليها من الباب وهي دخلت وهو مراقبها ب نظراتو لحدي م دخلت غرفه نورا وبعدها وجه نظرو ناحيه السلم وقفل الباب وجرا دخل الغرفه واتصل على عبودي .. سمع نغمة التلفون تحت المخده ووقف على حيلو و بقى ماشي وجاي ف الغرفه بتوتر .. مرت خمسه دقايق لحدي م سمع الباب بفتح وب سرعه قبل على الباب وقال : عبدو .. مشيت ويين؟؟؟
عبد الرحمن مدا ليهو كاسه فيها شراب دافي وقال : مشيت اجيب ليك حاجة دافيه تشربها.
علي بأستغراب : ود شنو الدم الفي وشك د؟
عبودي من غير كلمه اداهو الكاسه و دخل الحمام غسل وشو وطلع دخل غرفه نورا .. اول م فتح الباب لقى نورا قاعده ف السرير ومعاها دنيا بتبكي ..
عبودي : نورا امشي مع دنيا ل صحبتها لحدي م تخلص قراية.
نورا بخوف : طيب فهمني ف شنو؟
-ماف شي ياخ كلمته ابوها قلته ليهو انا بكلم بت عمتي تمشي معاها ل صحبتها عشان الوقت متأخر .. قومي امشي معاها وانا برجعكم.
نورا ل دنيا : خلاص م تبكي انا بمشي معاك .. مسافه البس بس.
عبد الرحمن طلع ودخل الغرفه لقى علي واقف وقفتو ديك ومقلع عيونو.
عبودي : مالك عامل كد زي الكديسه المبلوله؟
علي قعد ف السرير وغمض عيونو وفتحها تاني وقال : دقيقة .. دنيا .. عبودي .. دم .. استنتج شنو انا ؟
عبودي قعد جنبو وحكى ليهو الحصل بالتفصيل بعدها قال : ولمن امو شافتنا بنتشاكل مشت صحت ابو دنيا وهو جا هايج وانا حكيت ليهو السمعتو وقلته ليهو بت عمتي صحبتها وحتمشي معاها وكد .. بسس وهو شاكل ولدو ودخلو وانا جيت.
-وابوها خلاك بالبساطه د؟
عبودي وهو برقد : انت قايلو شغال بيها كتير؟ .. كتر خيرو زاتو الخلاها تجي تقرا معاهو الجامعة هنا.
علي شرب من الكاسه وقال : مسكينه ياخ.
-اي والله.
-هسي لو م انت ي عبود م معروف كان حيحصل ليها شنو؟
-هي من زمان بتقول لي انا م عندي غيرك وانت سندي .. لكن انا كلب.
علي خته الكاسه جنبو ورقد ف السرير وقال : ممكن تصلح غلطك؟
-مممم .. م اظن .. لكن انا عايز اكون جنبها وبعيد منها ف نفس الوقت .. المهم تكون بخير.
-فكره برضو .. لكن اتغيرته ي عبدو .. حتى كلامك وطريقة تفكيرك.
-عشان بيان .. لكن كد احسن.
-اي والله .
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
