*الحب الأسير*
Doaa
(25)
ملحوظة : بيسان شعرها بوصل لحدي كتفها وليس لحدي خصرها👈👉.
يدينو ف جيبو بسبب بروده الجو .. نغمة تلفونو علت وكانت المتصله اريج .
_ارووجه ياا.
_عبودي مشتاقين شديد.
_بالاكتر ياخ .. اخبارك وصحتك وامورك وكيف خالتي وايلاف وأية؟
_كلهم تمام والله فاقدنك بس .
_حتى انا والله .. وكيف محمد معاك بالله ؟
_محمد في عينك.
_عايني ي اريج م تحاولي تتغابي .. انا خابزك وعاجنك.
اريج ف محاولة منها لتغيير الموضوع : اية عايزه تسلم عليك.
جاهو صوت اية الرقيق : عبودي كيفك ؟
_ايوته ي بتي .. شنو لكن .. كيف مع تالته عليك الله.
_سهله والله الحمد لله لحدي هسي م لاقتني مشكله .. كيف انت وعلي.
عبودي عاين ل علي ومده ليهو التلفون .. علي حمحم وقال : اية كيف كويسه ؟
_كويسه الحمد لله .
_كيف امك واخواتك .. كلهم تمام ؟!
_الحمد لله تمام.
_آ .. طيب هاك عبودي.
عبودي شال التلفون وقال : اية اديني اختك ايلاف.
_طيب ثواني.
بعد مسافه جواهو صوت ايلاف : عبد الرحمن ي حلو.
_ي جميل .. مشتاق ليك ياخ.
ايلاف بضحك : كتيرات والله .. طبعا ي عبودي م حتصدق الحصل شنو؟
_شنو شنو؟
_تتذكر المدير بتاع الشركة الدايما بعمل لي مشاكل وكد .. وانت قلته لي د بحبك وم ادراك.
عبودي بضحك : اها مالو ؟؟
_قال عايزني واتكلم مع امي.
_انا مششش قلته ليك .. ياخ الحركات د انا بعرفها .. وانتي م عندك مشكلة صح ؟
_اكيد اكيد م عندي .
_طلعتي م هينه ي كلبه.
_احممم .. يلا انا ماشه عندي حاجات عايزه اعملها.
_خالتي وين طيب ؟
_مشت الجيران.
_سلمي عليها وبوسيها لي .
_حااضر .. باي .
_يلا.
عبودي قفل الخط وقال : ارح ي علي لانو انت براك عيان .. م عندنا محاضره تانيه صح ؟؟
_اي
وقفو واتجهو ناحيه البيت .. اول م وصلو لقو حسين واقف جنب باب العماره ومعاهو صحبو .. عبودي عاين ليهو ب سخريه وعايز يمشي حسين صربو ف كتفو ومشى .. عبودي عاين ليهو ببرود وعلي جراهو من يدو وطلعو السلالم .. واثناء مشيهم صادفو دنيا طالعه من شقتها.
عبودي بأستغراب : على وين ؟؟
دنيا صلحت طرحتها وقالت : هنا السوبر ماركت.
عبودي هز راسو بأعتراض وقال : م تطلعي براك جيبي امشي ليك انا.
_لالا مافي داعي تتعب نفسك .
_اسمعي الكلام جيبي .
_هو قريب والله بمشي انا عادي.
علي همس ل عبودي : احتمال عايزه تشتري حاجة خاصه انت مالك ؟
عبودي عاين ليهو وبصوت مسموع قال : حاجة خاصه ؟؟؟
دنيا دنقرت راسها بأحراج وقالت : ي شباب شكرا انا بمشي ماف مشكله.
عبودي : اخوك الفقر د قاعد تحت ومافي داعي للمشاكل.
دنيا سكتت وكلام لمياء لافي ف راسها .. رفعت راسها وبصوت حاد قالت : لو سمحته م من حقك تقول عليهو فقر .. ماف زول فقر اكتر منك .. زح لي من الطريق عشان م استعمل معاك اسلوب تاني .. وعاينت ليهو بحده ونزلت تحت سريع.
علي : د ماله فجأه قلبت ؟؟
عبودي وهو بطلع فوق : من حقها .
علي وعبودي طلعو فوق لقوهم عاملين الفطور قعدو يفطرو معاهم .
عبودي شرب من شوربة الخضار وقال : انتي ي عمتي مش وجدي ولدك دكتور ؟
سوسن كبت ل علي شوربة خضار وقالت : اشربها كويسه معاك .. اي ي عبودي مالو ؟
عبودي : طيب لي بسافر مع راجلك تبع شغل الشركة ؟
_والله ي عبودي هو شغال مع ابوهو ف الشركة .. يعني عندو خبره .. وف نفس الوقت بمشي يشتغل ف المستشفى.
_والله ماشاءالله الله انجززز .
علي : ماشاء الله والله ربنا يوفقو .
نورا : بعد الغداء عايزين نطلع الحديقه .. رأيكم شنو ي علي وعبودي ؟؟
علي رجع ل ورا ف الكرسي وقال : انا اعفوني البرد بتاعكم د عمل فيني عمايل.
نورا : لالا ي علي بليززز لازم تمشي .
عبودي : البس حاجة تدفيك بس .
علي : كان حصل لي حاجة انتو المسؤولين .
عبودي ونورا : اااي .
علي : خلاص ارح .
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
