*الحب الأسير*
Doaa
(24)
فتحت عيونها بصوت عبد العزيز ببكي .. ربتت على ظهرو وهي بتقول : مالك ي عمري .. م تبكي انا جنبك.
بعد سكت قامت دخلت الحمام اخدت دش وطلعت لبست بجامه وسرحت شعرها كعكه وحده وطلعت دخلت المطبخ لقت شهاب قاعد ومكفكف اكمام القميص ولابس بنطلون اسود وجزمه جلديه سوداء وخاتي اوراق قدامو .. رفع عينو عاين ليها وبأبتسامه لطيفه قال : صباح الخير .. امبارح م كلمتيني انك راجعه وجيت لقيتك نمتي.
بيان عاينت ليهو بقرف وفتحت التلاجه شالت زبادي وطلعت .. شهاب عاين ليها بأستغراب ورجع ينتبه ف ورقو.
قعدت عبد العزيز ف فخذينها وهي بتأكلو زبادي .. اتنهدت ب ضيق وختت ليهو الزبادي ف الارض وقعدتو وقالت : اكل براك عشان تتعلم.
البيبي كشر ليها وشو وعايز يبكي شالتو وقالت : ل متين حنفضل نشيلك كد؟
جابت المشايه وقعدتو فيها ورقدت ف السرير وهي بتراقبو ب نظراتها وهو بياكل وبدفق ف هدومو .. ضحكت فيهو وقالت : معليش .. حتتعلم.
اليوم مره عادي وبعد شهاب رجع من الشغل حاول يتكلم مع بيان لكن كانت بتسكت وم بترضى حتى تعاين ليهو .. بالمساء جا داخل البيت متأخر لانو حسى انو وجودو مضايقها .. دخل ولقاها قاعده ف التلفزيون وشايله البيبي .. قفل الباب ودخل غرفتو اخد دش ولبس ترينينق وفنيلة بنيه وعايز يدخل للمطبخ وقف بصوت بيان : كنت وين؟
شهاب قبل عليها وقال : شايف وجودي مضايقك عشان كد طلعته.
بيان ختت البيبي ف الكنبه و قامت وقفت قدامو وربعت يدينها وقالت : اها عملته شنو معاها تاني؟
شهاب عقد حواجبو بأستغراب وقال : نعم؟؟
رفعت حاجبها وقالت : حبيبتك بيسان عملته شنو معاها تاني؟
_قصدك شنو؟
بيان بصوت عالي : قصدي انت فاهمو كويس.
شهاب بنظرات حاده : صوتك م تعليهو.
بيان رفعت اصبعها ف وشو وب صوت عالي قالت : اسمع انا م لعبه ف يدك .. م بتخاف ربك انت؟؟ .. شنو بتحضن ف البت ف نص الحفله انت نسيت انك متزوج مرت اخوك ولا شنو؟
شهاب بصوت حاد : انتي م فاهمه حاجة م تتكلمي ساي.
بيان بصوت عالي شديد : افهم شنو اكتر من كد؟ .. غلطانه المتزوجه راجل م بخاف الله زيك .. انت نسيت انك طلقتها ولا شنو!! .. حريقه فيك وفيها زاتو .. انا م بتشرف بيك تكون ابو ل ولدي.......
قاطعها بصوت عالي : بياان.
_م بيان ولا زفت .. يعني انا متزوجاك م بتولد وكمان بكل قوة عين بتمشي تلاقيها؟؟؟ .. عقيم وكمان م محترم؟؟ .. على الاقل راعي لاني مرت اخوك.
شهاب انصدم من كلامها وبصوت عالي قال : خلااااصصص ي بيان .. م انا الراجل البتعلي صوتك عليهو .. انتي انانيه ي بيان .. بتحبي نفسك بس .. انا م حصل شفته انسان ممكن
يكون اناني للدرجه د ولا حتي براعي ل مشاعر الحوليهو .. لحدي هنا وم عايز اسمع كلمه تاني .. انتي م مجبوره علي وبعد اسبوع حننزل السودان وحأسلمك ورقتك وانتهينا.
عاين ليها بغضب شديد وطلع وطاخ قفل الباب .. بيان التفتت ب سرعه على البيبي القعد يبكي شديد واتوجهت ناحيتو حضنتو شديد وهي بتمسح دموعها .. شالتو ودخلت الغرفه قفلت الباب ورقدت وهي بتحاول تنوم البيبي المعايز يسكت.
بيان : نوم عليك الله نوم .. انا براي الفيني مكفيني💔.
أنت تقرأ
الحب الأسير
Romantizmللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
