الحب الأسير

(16)

*الحب الأسير*
Doaa
(16)

{ لي كل الوجع لي كل الضيق الله شايف الله سامع الله قادر❤ }

م تسيبني ي شهاب...ك...كلمهم...انا عايزاك...عليك الله م تسيبني💔.
شهاب العبره خنقتو ومن غير م يحس حضنها شديد لحدي م ارتفعت لفارق الطول بينهم.
فجأه امها جرتها من يدها وب صوت عالي قالت : انا مش قلته ليك الولد د طلقك خلاص؟؟ .. ولا عايزه تجيبي لي سمعه كمان.
عاينت ل شهاب بحده وقالت : خلاص البت د بقت حرام عليك تعاين ليها زاتو فاهم؟
ضربت بيسان ف كتفها وقالت : طيري قدامي انتي كمان .. نحنا م حنرتاح الا ود خالتك د يجي يعقد عليك عشان يريحنا منك.
شهاب الكلام دخل ليهو زي السكاكين وم قدر يرفع عينو من الارض .. بيسان ب خطوات ثقيله مشت قدامو وكأنها عايزه توقف الزمن .. امها مشت قدامها نزلت السلم وهي عاينت ليهو بنظرات حزينه  .. ابتسمت وهي بتهمس بكلمات سمعها هو بس " حفضل احبك انت بس ي شهاب "
شهاب رفع عينو وهي قبلت ونزلت ود كانت اخر مره شافها فيها.

______________________

بيان غمضت عيونها ب سرعه ب سبب الكتشب الرشاهو عزوز فيها .. قامت من محلها وهي بتنبذ فيهو .. غسلت وشها وعاينت ليهو ودنقرت وقبل م تشيل الشبشب لقتو ماف وسمعت طااااخ ف الهول وعزوز قال : اخخخخخخ.
بيان اتفقعت ضحك وهي طالعه من المطبخ : د حقي تستااااااهل.
عزوز رجع شعرو ل ورا وقال : يرضيك كد؟
بيا ضربتو بالشبشب ف راسو وقالت : ويرضيك الكتشب يدخل ف عيوني؟؟
عزوز قام من محلو وابتسم ب شر وبيان جرت الاوضه وطاخ قفلت الباب.
عزوز من برا : اااخخخ اصبعي.
بيان فتحت الباب ب سرعه وقالت : واي م كنت شايفاك.
عزوز لزا الباب وقال : تصدقي😂.
بيان وهي بتقعد ف السرير : اخر مره خلاص.
_السن بالسن والعين بالعين.
_والبادي اظلم😏.
عزوز مسك يدها وعايز يعضيها جرتها وقالت : البيبي ... ال .. بيبي.
قالتها بتحذير وهو رجع ل ورا وقال : صح البيبي حبيب ابوهو .. عشانو بس حسامحك .. وانتي خلي النطيط كمان م يقوم يحصل ليهو حاجه.
بيان قامت ب هدوء وقالت : حاضر.
طلعت برا وهي ماشه على المطبخ..
عزوز ب وراها صرخ : واااعععععع.
قامت جرت دخلت المطبخ.
عزوز بضحك : هبله😂.

_________________________

بعد مرور شهرين ..

علا صوت جرس بدايه امتحان الشهاده عاين ل صحبو وقال : علي.
علي بتوتر : عبدو اختاني.
عبودي : انا متوتر وخايف وكلو.
علي : ان شاء الله بنجيب درجه كويسه م تشيل هم ي صحبي.
عبودي وهو بهز رجلو : عايز اجيب درجه كويسه عشان بيان.
_ادعي ربنا وان شاء الله بجي ساهل .. نحنا قرينا تب.
_ارح يلا.

الكل جلس للامتحان والتوتر سيد الموقف .. اول م وزعو الورق عبودي عاين ل علي الابتسم ليهو وهز راسو .. والاتنين بدو يكتبو.

____________________

بعد العشاء ..

_محمد.
_عزوز!
_اي ياهو زاتو.
_اها؟!
_عايز اتكلم معاك ف الموضوع التافه المتشاكلين فيهو د .. مرو كم شهر ونحنا زي الم بنعرف بعض؟ .. انت ف النهايه ود خالتي واخوي.
_الموضوع زعلني لانها اختي.
_خلاص العفو والعافيه ي اخوي.
_عواافي ي زول.
_تسلم .. يلا ل بعدين.
_يلا.