الحب الأسير

(21)

*الحب الأسير*
Doaa
(21)

شهاب : عايزه تعرسي لي مرت المرحوم وانا اخر من يعلم؟؟؟؟
مريم : مش ياهو اخوك ولا غيرو؟
شهاب ضحك وهو بقعد ف الارض وقال : ي امي كدي قولي بسم الله.
مريم : ي ولد بتتعولق كد مالك انت .. اخوك اتوفى وخلا ولدو وانت حتتزوج بيان عشان ولد اخوك .. انت ي شهاب ربنا اراد ليك تكون عقيم صح؟؟ .. معناها م تتزوج تاني يعني؟! .. وبيان ماله حلات الدنيا عليها وانت زاااااتك متعلق بـ عبد العزيز شديد وهو زاتو نطق اسم بابا ليك انت قبل اي زول.
سلمى : امي كلامها صح ماف سبب بمنعك تتزوج بيان.
شهاب : ي جماعه .. انتو اساساً م استشرتوني فـ الموضوع وكلمتو البت .. د كلام شنو؟! .. وبعدين بيان مستحيل تقبل بي.
مريم : د كلام فاضي ساي ي ولد .. بيان قالت موافقه .. وانت ماف سبب بخليك م توافق.
شهاب هز راسو بأعتراض وقال : الكلام د م داخل لي راسي.
مريم وهب بتقيف : العقد بعد اسبوعين .. انتهينا.
شهاب ضحك وقال : انا ي امي ريالتي سايله؟
مريم قعدت ب نفاذ صبر وقالت : وريني انت م عايزها لي؟
_لانو ي امي هي حتكون مجبوره علي وانا عااااارف ومتأكد ميه بالميه .. لانها بتحب عزوز شديد ومستحيل توافق بي.
_اقول ليك هي مواااافقه.
_انا م مقتنع .. حتكوني انتي وسلمى كرهتوها.
سلمى : اااااي كرهناها .. انت عايز تربي ولد اخوك ولا عايز حاجه تانيه؟!😒
شهاب : صح عايز اربيهو واي شي .. لكن ي سلمى انا م عايز اتزوج وحده م بتحبني ولا انا بحبها .. م عايزها تكون مجبوره علي.
مريم : مع الايام حتحبها وحتحبك.
شهاب : ي امي انا بحب بيسان وهي بتحب عزوز .. الحب الأسير الجواي ل بيسان بيمنعني احب غيرها.
سلمى بزهج : ستين الف داهيه ف بيسان .. م كفايه الكلام القالتو امها؟؟؟ .. البت متزوجه وعايشه حياتها .. وانت عيش حياتك بلا بيسان بلا بتاع.
مريم : كلام اختك صح .. يعني انت حتعيش على امل ترجع ليك ولا كيف؟! .. الصح والمفروض تعملو تنساها وتطلعها من قاموسك وتتزوج بيان وتربي ولد اخوك وانتهينا.
شهاب اخد نفس وقال : نفرض انا نسيت بيسان .. بيان مستحيل تحب غير عزوز.
سلمى : اللهم ان كان هذا سحراً فأبطله😩.
مريم : ماف شي اسمو مستحيل .. ربنا خلق الانسان بينسى .. ومع الايام حتحبك.
شهاب اتنهد وقال : بصلي استخاره وبشوف.
مريم وسلمى فرح : يعني موافق ؟😍.
شهاب وقف وقال : اي.

___________________________

الصباح ..

صفق بـ يدو وهو بقول : عواطف ي عواطف راجلا اسمو عاطف جاب ليها كوم بطاطس قال ليها اكلي وحده اكلتو مره وحده .
بيان : امشي جامعتك بلا عواطف معاك.
عبودي رفع البيبي فوق وقال : عايز العب ولدي د شويه.
بيان فتحت التلفون وقالت : تعال رقدو هنا عايزه اوريهو الفيديوهات حقتي انا وعزوز.
_ياخ كرهتيهو الفيديوهات زاتو .. حفظها حفظ.
_لازم يحفظها عشان يتذكر ابوهو.
عبودي رقد البيبي جنب بيان وقال : انتي هسي موافقه على الزواج من شهاب؟
بيان بتنهيده : كلمته ابوي وكلامو نفس كلام سلمى وامي مريم.
_والله ي بيان انا شايف كلامهم منطقي شديد .. وبعدين شهاب والله ماشاء الله مافيهو كلام.
_لكن ي عبودي .. في حب اسير جواي ل عزوز بمنعني اتزوج اخوهو.
عبودي وهو بقيف : صلي استخاره والفيهو خير بحصل.
_قبيل اتصلت علي امي مريم واستشارتني فـ موضوع العرس وكد .. وكلمتها اني عايزه عقد وخلاص.
عبودي : م حتلبسي زفاف؟!
_مستحيل .. الزفاف لبستو مره وحده لـ عزوز وبس.
_خير ان شاء الله.
_وانت كلمته علي بـ موضوع السفر؟
عبودي بأبتسامه : اتخيلي الكلب قال لي ابوي م وافق وانا خلاااااص بعد م زعلته ومشيت وحلفته م اتكلم معاهو تاني .. اتصل علي وهو بضحك قال لي ابوي وافق .. انتي عارفه انا اطريت ارجع ادقو واكفتو كوييييس عشان كذب علي.
بيان بضحك : والله علي د غايتو😂.
_طبعاً عمتي عرفت ب موضوع زواجك من شهاب.
_اي اي وشايفاها فرحانه .. كنت قايلاها حتزعل عشان رفضته وجدي.
_لالا م اظن تزعل .. المهم قالت لي بعد بيان تتزوج انت وابوك حتكونو هناك معاي .. وعلي حيجي بعد يومين من سفري.
_ان شاء الله توصلو بالسلامه.