*الحب الأسير*
Doaa
(27)
● حين يخذلك الجميع
إتجهي نحوي ، لا تخافي ●
~ لقائله ~
علت نغمة تلفون إيدن وكان المتصل ليزا ..
_صباح الخير ليزا.
_صباح الخير إيدن .. هل انت في المنزل؟
_لا انا مع شهاب ما زلنا نبحث عن بيان.
_اوه هذا سئ للغايه .. حسنا سأبحث معكما عنها ولكن الان اريدك ان تأتي الى مشفى (..) لان بنت خالتي تحسنت ونريد العوده للمنزل وليس لدي مال كافي.
_حسنا سنأتي حالا.
قفل الخط وعاين ل شهاب الشارد وقال : علينا الذهاب الى ليزا في المشفى وهي ستساعدنا في البحث.
شهاب هز راسو واتنهد بضيق وشال عبد العزيز من إيدن وركب وإيدن ركب واتحرك على المشفى .. شهاب رجع ل ورا في الكرسي وبحزن قال : م قدرته احافظ على امانتك ي اخوي .
______________________________
تركيا .. الساعه 10 صباحا ..
فتح عيونو بتعب .. عاين ل علي القاعد ف السرير وسرحان .. قبل على الجهة التانيه وغطى وشو بالمخده .. دقايق ورفع راسو وقام اتوجه ناحيه الحمام .. عمل الروتين الصباحي وطلع .. عاين ل علي وسأل : الليلة الجمعة صح ؟؟
لمن م لقى اجابة من علي فتح الدولاب وشال جلابية علي الله ودخل .. بعد ربع ساعه طلع ووقف قدام المرايه بال علي الله وهو بسرح شعرو ل ورا ..
" انا زعلان منك عشان امبارح خليتني انوم زعلان "
عبودي عاين ل علي بعد م قال جملتو بشرود .. اتنهد واتوجه ناحيه الدولاب شال جلابيه سمنيه ومداها ليهو وقال : انا متأسف جدا عشان خليتك تنوم زعلان ي علوش .. قوم البس عشان م نتأخر على صلاة الجمعة.
علي رمش عدة مرات ومده يدو شالها ودخل الحمام .. عبودي : م بتمشي الا كد.
رصت الفطور وهي بتنده : ي اولاد .. الفطور .
عبودي جا داخل : صباح الخير ي حلوه.
سوسن التفتت عليهو بأبتسامه : صباح النور .. الله .. ريحتك حلوه شديييييد تبارك الله.
_من ذوقك .
_وين علي ؟؟
_ف الحمام .
_طيب اقعد الفطور لحدي ما انادي الباقيين.
دقايق وكان الكل ملتف حول السفرة الا نورا الكانت بايته مع دنيا.
عبودي وعلي ومحمد طلعو الصلاة .... بعد انتهو جو راجعين وصادفو ابو دنيا جنب الباب معاهو مرتو .. هبه عاينت ليهو من فوق لتحت وقالت : ديل هم .. الم بخجلو.
علي بأستغراب : نعمم؟؟
محمد عاين ل ابو دنيا وقال : ف حاجة ؟؟
ابو دنيا قرب عليهم وعايز بتكلم عبودي قاطعو : لو سمحته ي حاج من غير مقاطعه ل كلامك .. اسمعني اول .. وهندا ابوي قاعد عشان يتكلم معاك هو زاتو.
ابو دنيا : اتفضل قول العندك .
_امبارح ي عمي انا وعلي جينا راجعين ونحنا واقفين جنب باب العماره فجأه الباب فتح وولدك حسين .......
وحكى الحصل بالتفصيل.
ابو دنيا (مرتضى) هاااااجج وكورك وقال : ووين البت د؟؟ .. د وصيتي ليكي هبه تخلي حسين يتعامل معاها بالطريقه د؟؟ .. م ارحمو وم حأرحمك انتي زاتك .. وين دنيا وروني ليها؟؟؟
عبودي : ف شقتها معاها نورا .
كلهم طلعو وخبطو الباب وجات نورا فتحت الباب .. بدهشه سلمت عليهم ودخلتهم ..
دنيا من المطبخ : نورا د منو الجا؟؟
الهادي بصوت عالي : دنيا .. ي بت تعالي هنا.
دنيا بلعت ريقها وطلعت الهول .. سلمت عليهم بتوتر وقعدت.
مرتضى : احكي لي الحصل امبارح.
دنيا وهي بتفرك يدينها : كنت عايزاك عشان اخد منك مصاريف .. و...ودخلته الشقة تحت ...حس...حسين لقاني وقال لي اطلعي ابوي ماف .. م اشتغلته بيهو وكنت قايلاهو بكذب .. دخلته غرفتك وهبه قالت حسين تعال طلعها .. وحسين جر...جراني من شعري ورم...ورماني برا ... بس.
عبودي : نحنا ي عمي اصلا حنرحل والافضل دنيا تمشي تأجر معانا ف نفس العماره .. م تخاف ابوي د زي ابوها .. تبعد من المشاكل احسن وافضل ليها.
مرتضى سكت مسافه وقال : انت اخو مرت المرحوم؟؟
عبودي بأبتسامه : ايوا انا اخو بيان.
محمد : بتك حتكون زي بتي واحد وعلي وعبودي ديل زي اخوانها .. وطبعا هم بعرفو بعض اول ما بيان بتي اتزوجت عزوز.
مرتضى : خير ان شاءالله .. بعدين بمشي معاكم أأجر ليها جنبكم .. دنيا لمي حاجاتك عشان تمشي معاهم .. انا جاي من الشغل تعبان وم ناقص وجع راس من المره د.
دنيا وهي بتعاين ف الارض : ط..طيب ... م مشكله.
كلهم طلعو وخلو نورا مع دنيا ..
نورا : ارح نجهز حاجاتك .. دنيا هزت راسها وقامت .
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
