*الحب الأسير*
Doaa
(19)
صرخت "البيبي وين؟!"
كلهم التفتو على بيان ووقفو ب سرعه.
شهاب : كيف يعني وين؟؟
اية جرت المشايه من تحت الطاولة الرخاميه وقالت : قاعد هنا شفتو دخل قبيل .. شكلو كان نعسان.
شهاب شالو وقال : حأطلعو فوق واجي.
بيان ربتت على ظهر البيبي وقالت : حبيبي انا .. خلاص رقدو وغطيهو كويس.
شهاب وهو بمشي : طيب.
محمد وقف وقال : وانا حدخل رهف واجي.
عبودي : خلعتينا ساي ياخ .. ارح نكمل لعبتنا.
مزمل خطف العلبه وقال : اللعبه د م ظابطه .. ارح نشوف لعبه تانيه.
ايلاف : عندي لعبه.
علي : حتقول لينا غُميضه.
ايلاف : لا😒.
اريج : انا ماشه اشرب مويه وجايه.
عبودي : جيبي لي معاك.
علي : وانا برضو.
مزمل : م تجي كان م جبتي لي.
اريج وهي مطلعه لسانها : ابييييت.
اريج جات داخله وهي مقبله ورا ومحمد جا طالع وطاخ ضربت راسها ب صدرو لحدي م رجعت ل ورا
اريج بأحراج وهي بتعاين ف الارض : آ اسفه .. معليش كنت بتكلم معاهم وم...وم شايفه.
محمد صلح قميصو وبأبتسامه قال : لالا ولا يهمك.
اريج مشت وهي بتعاين ف الارض واول م دخلت المطبخ اخدت نفس عميييق وهي بتتبسم🙈.
محمد جا قعد وهو بتبسم برضو.
مزمل عاين ل محمد وقال : محمد د بتبسم كد شكلو عايز نكته .. اها احكو نكات.
اريج جات وقعدت وعينها م رفعتها من الارض.
عبودي : نكته .. مره اريج كانت راجعة من الجامعة .. وف المواصلات قعد جنبها راجل كبير كد فجأة كد قال ليها بتعرفي بيان محمد استغربت لانها بت خالتها قامت قالت ليهو ايوا مالها! قال ليها انا الترزي الفصلت ليها البلوزة د.
كلهم :😂😂😂😂😂😂😂.
اريج اتحرجت شديد وكوركت فيهو : كذاب .. متين حصل؟!
بيان : عبودي😒.
علي بضحك : انا كنت قاااعد لمن حكيتي لينا.
محمد ربع يدينو ب طريقه خلت عضلاتو تظهر وقال : اها ويعني؟! .. ماف حاجه بتضحك بالمناسبه .. مافي داعي تحرجو البت ساي وتضحكو ف موضوع هي م حكتو ليكم ب نفسها .. هي لمن حكتو ليكم انتو ك اخوانها مش معناها عايزه الناس كلها تعرف.
مجتبى ضربو ف كتفو وقال : اااا.
الهادي : الحكمه د جبتها من وين!
عبودي : م اتعرفنا ي محمد.
ايلاف : والله ي جماعه انا م كنت قايله محمد د بتونس كد زيو زي الناس .. كنت متخيلاهو زول صعب ورسمي شديد.
سلمى وبيان : بجد.
علي وقف قصاد عبودي وب دلع قال : عبوتشي .. انت لي رسمي كد؟!
عبودي مسك يد علي وقال : عشانِك حتغير ي أروجتي.
وفكوها ضحك وتريقه لمن محمد قام دخل جوه.
اريج خدودها بقت ورديه وهي بتقول : على فكره حركتكم بايخه شديد شديد.
مزمل : والله قادرييين😂.
شهاب كان واقف ف البلكونه وضحك بعد م سمع كلامهم ودخل رقد البيبي ف السرير ورقد جنبو .. عاين ليهو بعمق وقال : سنه وسبعه شهور على فراقك ي اخوي .. ربنا يرحمك ويغفر ليك ويجعل قبرك روض من رياض الجنه .. وجه نظرو للسقف مساااافه بعدها قال : الحاصل عليك شنو ي بيسان!
ف النجيله نغمت تلفون بيان علت شالتو ودخلت جوه ردت : ابوي .. وينك ياخ .. ولدي زعلان منك عشان م حضرته عيد ميلادو
محمد ضحك وقال : والله كان نفسي اجي لكن رجعته من الشغل متأخر وكنت تعباااان وعندي حمه .. لكن الحمد لله خفت .. والله هسي صحيت من النوم.
_سلااامتك ياخ .. نحنا بكره حنجي ان شاء الله.
_ان شاء الله .. قبيل شلته ليك الحاجات الباقيه الكانت في شقتك وسلمته المفتاح لي المالك بتاعها .. لكن والله م كان في داعي ي بيان.
_ي ابوي انت عارف انا بعد وفاة عزوز م بقدر اقعد فيها ولا دقيقه .. اي ركن فيها بذكرني بيهو وبرجع ل حالتي الزمان.
_م مشكله حصل خير .. لقيت حنان وبتها بتسلم عليك.
_الله يسلمها.
_عمتك سوسن قبيل ضربت وكلمتني ب موضوع كد لمن تجي نتناقش فيهو.
_خير ان شاء الله
_كل الخير ان شاء الله .. يلا لـ بكره.
_يلا تصبح على خير.
_وانتي من اهل الخير حببتي.
بيان قفلت الخط وطلعت الغرفه فوق .. لمن م لقت البيبي اتوجهت ل غرفه شهاب .. خبطط وجاها صوتو : اتفضل.
فتحت الباب وهو اول م شافها قام قعد.
بيان : معليش بس كنت عايزه اعرف البيبي وين .. لكن لو معاك خلاص.
شهاب رجع شعرو ل روا وقال : كنت عايزو ينوم معاي.
بيان بأبتسامه : اي طوالي .. هو زاتو اتعود عليك.
شهاب هز راسو بأبتسامه وبيان قفلت الباب ونزلت ليهم تحت.
أنت تقرأ
الحب الأسير
Romanceللحياة دمعتان..دمعة لقاء و دمعة فراق..فإن لم تجمعنا الايام...فسوف تجمعنا الاحلام...فإن لم تجمعنا الاحلام...فسوف تجمعنا الذكريات وروعتها باللقاء...فاذا رست سفينتكِ على شاطئ الذكريات..... فأجعليني احد ركابها. لا تحكم على الروايه من اول بارتات ;)
