متيم ببرائتها

البارت السادس

البارت السادس
_____________

بدأ عمر يسرد لسيف الخطه التى يجب تنفيذها لرؤيه عشق مره اخرى.

عمر بهمس: بص ياسيدى انت
سيف بمقاطعه: انت موطى صوتك ليه
عمر:عشان الحيطان ليها ودان وممكن تسمعنا.

سيف: قوم يا أهبل امشى انا غلطان ان قاعد بسمعك.
عمر:ياعم اقعد خلاص ده انت محدش يهزر معاك ابدا.
سيف: اتنيل قول وخلصنا.

عمر: انت دلوقتى هتروح لشروق تقولها ان احنا خارجين وخليها تيجى معانا وقولها أى سبب بقى من عندك.

سيف ببعض الغيره على شقيقته:ثوانى بس ايه علاقه شروق بأنى اشوف عشق
عمر: يا ابنى سيبنى اكمل كلامى وانت هتعرف.
سيف بضيق: طب انجز قول عشان صبرى بدأ ينفذ.

عمر:انت لما تقولها تيجى معانا قولها لو عايزه تتصل بصحابها الجداد دول يجوا معانا عشان متقعدش لوحدها مع اتنين رجاله وتمل مفيش مانع وكده انت تشوف عشق.

سيف: فكره حلوه طلعت بتعرف تفكر
عمر بغرور مصطنع: طبعا يابنى انا مفيش منى اتنين.
سيف:طب ياخويا لما اشوفها اكيد هتقعد تكلم مع شروق وصاحبتها وبعدين انا هكلمها ازاى واحنا متقبلناش غير مرتين بس.

عمر: ايه ياسيف اكيد انا مش هقولك تعمل ايه يعنى.

سيف: طب ماشى يا اخويا خليك مرزوع هنا لحد مقول لشروق والبس وأجى.

عمر: لا يعم انا هروح اخد شاور وأغير ونبقى نتقابل.
سيف: تمام مفيش مشكله
ثم غادر سيف المكتب و سلك طريقه نحو غرفة شروق و دق باب غرفتها ولكنه لم يسمع صوتها من الداخل.

¤¤¤¤¤¤¤¤¤¤¤¤¤¤¤¤¤

اما عند شروق كانت تبكى بشده و يتردد بداخلها الحديث الذى دار بين اخيها و عمر الذى تعتقد انها تحبه وكانت تعتقد ايضا انه يبادلها نفس الشعور.

Flach back

عمر بذهول من كلام صديقه:انت قصدك ايه ياسيف قصدم ان انا ممكن اخون ثقتك فيا وابص لاختك ثم اكمل بغضب: انت مجنون ياسيف شروق دى زى اختى الصغيره مش اكتر وانا عمرى ماأبص لاختى ولا انت ايه رأيك.
End

لتفق من شرودها على صوت دق الباب لتسرع باخفاء دموعها واجابت بصوت خافت محاوله ان تدارى حزنها ثم اذنت للطارق بالدخول: اتفضل.
ليدخل سيف الى الغرفة فلاحظ دموع اخته التى كانت تحاول ان تخفيها.

فقال بقلق: مالك يا حبيبتى بتعيطى ليه ؟
شروق: لا ابدا مفيش حاجة مكنتش بعيط.
سيف: على اساس ان دموعك دى انا مش شايفها.
شروق: صدقنى مفيش انا بس فى حاجة دخلت في عينى.

سيف: هعديها بمزاجى واسيبك براحتك لحد ما تيجى انتى تحكيلى بنفسك.
ثم اضاف قائلا ببعض التوتر: بقولك ايه.
شروق: ايه يا ابيه قولى.