متيم ببرائتها

البارت الثالث والعشرون

البارت الثالث والعشرون
____________________

في صباح يوم جديد ملئ بلاحداث الجديده.

في احد الانديه المشهورة.

كانت سميه والده سيف تجلس مع مرفيت والده مايا وهي تحاول ان تقنعها بأن تبعد ابنتها عن فارس لكي تتخلص من عشق ويكون سيف بماله كله لها.

سميه:يا فيفي افهمي، انتي عايزه تسيبي بنتك لواحد فقير و مش من مستوانا وتخليها معاه كده عادي؟

ميرفت بتفكير: بس مايا بتحبه لدرجه انها اتنازلت عن كل الفلوس وراحت معاه.

سميه بمكر: انتي تتصلي بيها دلوقتي وتقليلها انك تعبانه وتخليها تيجي واحنا نقنعها سوا.

ميرفت: خلاص هكلمها بس اقولها ايه.
قامت سميه باخبارها بما يجب عليها فعله ، وبالفعل قامت ميرفت بالاتصال بمايا.

            °°°°°°°°°°°°°°°°°°°

فى الناحيه الاخري.

كانت مايا في المطبخ تقوم بعمل غداء لها ولفارس لكي تفاجئه عندما يعود للمنزل من عمله..
قاطعها صوت رنين هاتفها فذهبت الي الغرفه الاخري لكي تحضر هاتفها فوجدت والدتها تتصل بها فردت بلهفه حيث كانت هذه المره الاولي التي تهاتفها فيها والدتها..

مايا: الو يا ماما.
ميرفت بصوت حاولت جعله ضعيف ويظهر به المرض: اه يا مايا.

مايا بقلق: ماما مالك في ايه ومال صوتك.
مريفت بتمثيل: آه انا تعبانه تعبانه اوي يا مايا آه الحقيني.

مايا وهي تكاد تبكي: مالك يا ماما ط.. طب انتي فين وانا هجيلك.

ميرفت: انا في نادي......
ثم قامت باغلاق الخط.

اسرعت مايا وقامت بالذهاب الي المطبخ واغلقت ازرار الفرن وانطلقت سريعا نحو غرفتها ترتدي ملابسها.

في تلك الاثناء قام فارس بالاتصال بها
ردت عليه وهي تبكي: فارس.
.

فارس برعب وهو يقف من مكانه: مايا مال صوتك يا حبيبتي.. في ايه يا قلبي بتعيطي ليه؟

مايا وهي مازالت تبكي: ماما.
فارس وهو يخرج من مكتبه ويتجه مسرعا نحو سيارته ليذهب لمايا.

فارس: مايا اهدي وقليلي انتي فين.
اما مايا فكانت انتهت من ارتداء ملابسها و اتجهت خارج المنزل.

مايا: انا هركب تاكسي وهروح ع.. علي نادي.
فارس: مايا اهدي كده وانا هجيلك علي هناك يا حبيبتي.

مايا: حاضر.
ظل فارس علي الهاتف مع مايا فهو مازال قلقا عليها واتجه بسيارته نحو النادي الذي اخبرته عنه مايا.

في النادي.

سميه: كده حلو اوي يا فيفي زمانها جايه دلوقتي وانتي كلميها بقي وخيريها بينك وبين فارس وقوليلها انك هتقطعي علاقتك بيها لو فضلت معا.