متيم ببرائتها

البارت الرابع عشر

  البارت الرابع عشر
________________

حياتك كتاب فلا تكن مؤلفا سيئا.

استمع سيف الى ما حكته مايا باهتمام شديد قبل ان يسألها بشك: وانا ايه اللى يضمني انك مش بتكذبي عليا؟؟

كاد فارس ان يرد عليه ردا لاذعا لكن اسرعت مايا بامساك يده وهي ترد على سيف: معاك حق بس فكر شويه كده انا هستفيد ايه لو قلتلك على اللى ماما ناويه تعمله؟

ثم تابعت وهي ترد علي نفسها: اكيد مش هستفيد حاجة لاني عارفة انك اكيد هتأذي ماما بس كان لازم اقولك عشان هما كمان ناوين يأذو فارس عشان عايزينك تتجوزني وانا بحب فارس ومش عايزة حد فيكو يتأذي.

سيف ببعض التفكير وهو ينظر بدقه الى ملامحها ليرى ان كانت تكذب ام لا ثم قال لها: خلاص سيبى الموضوع ده عليا ومتقلقيش انا اساسا اتجوزت دلوقتى وهى متعرفش وهصدمها بكده.

مايا بابتسامه: مبروك يا سيف فرحتلك جدا.
سيف: الله يبارك فيكى يا مايا عقبالكوا إن شاء الله ولو احتجتى اى حاجه تعاليلى انتى زى اختى بالظبط.

ثم تابع وهو ينظر الى فارس: اتشرفت بيك واسف على المقابله اللى مش لطيفه اللى كانت فى الاول دي.

فارس: ولا يهمك يا سيف بيه.

سيف بمزاح: سيف بيه ايه بقى ده انت فى سني حتي.
ثم تابع بجديه: قولى يا سيف بس من غير بيه.

فارس بضحك: خلاص يا عم انت هتقلب عفريت ولا ايه.

قاطع حديثهم دخول عمر العاصف الى مكتب سيف وهو يقول: ايه يا ابو السيوف فين....

لم يكمل حديثه عندما وجد فارس صديقه فى المكتب: اييه ده ابو الفوارس ايه اللى جابك هنا.

سيف باستغراب: ايه ده انت تعرفه
عمر: الا اعرفه ده صاحبى من زمان.

فارس بمزاح: بس طول عمرك اهبل برده.
عمر بمرح: شكرا يابنى مش محتاج حد يمدحنى والله.

ثم توجهت انظاره الى مايا فسأل سيف وفارس: مين دي يا شباب اوعو تكونو بتخونوني.

فارس بضحك: بنخونك ايه يا اهبل انت دي مايا حبيبتي وقريب ان شاء الله هتبقى مراتي.

عمر: يا سيدي يا سيدي على الرومانسيه وايه تاني يا دنيا.
فارس:بس ياض عشان ما اقوملكش.

ثم وجه حديثه لسيف: احنا هنستأذن بقى وهبقي اكلمك تاني ان شاء الله.

ثم تبادلو ارقام هواتفهم وغادر فارس ومايا بينما جلس عمر مع سيف الذى سرد له ما قصته عليه مايا.

           ***************

اريد معانقتك حتى يتحدث قلبى مع قلبك.❤️

عند عشق كانت تجلس وهي خائفة لانها بمفردها فجلست بجانب الفراش على الارض وهي تبكي بسبب كل ما حدث معها منذ وفاه والدتها، تذكرت كل شئ، موت والدتها، زواج والدها بعد موتها مباشرة، معامله زوجه والدها، ضرب والدها الشديد لها، محاولات ايمن لاغتصابها، وتذكرت اخر شئ وهو بيع والدها لسيف كأنها بضاعه وكأنها ليست ابنته.
تذكرت كل هذا وهي تبكي بشده.