البارت الثالث
____________
اثاء سيره توقف فجأه وظهر على وجهه الغضب الشديد وهو يستمع الى حديث والدته مع ما تسمى مدام مرفت وابنتها مايا.
سميه: هو انا هلاقى احسن من مايا فين وبشياكتها وحلاوتها وتكون بنت حسب ونسب لابنى سيف حبيبى.
مدام مريفت: انا كمان مش هلاقى احسن من سيف لبنتى مايا.
مايا بضيق من معامله سيف الجافة معها: بس ازاى يعنى يا طنط هيتجوزنى وهو مش شايفنى خالص ولا معبرنى؟
سميه بخبث: دى بقى مهمتك انتى انك تخليه يحبك ويتعلق بيكى وانا مستحيل اقبل اى واحدة تانيه تكون مرات ابنى.
مايا ببعض الراحة: وانا هفضل وراه لحد ما يحبنى ومش هخليه يبص لواحدة تانيه غيرى.
ليقاطعهم صوت سيف الغاضب وهو يقول: ها و ايه كمان كملوا بتخططوا لجوازى وانا مش عارف يا ترى بقى هتعزمونى على الفرح ولا لا؟
سميه ببعض الحرج: ايه الكلام اللى بتقوله دا يا سيف عيب كده.
سيف بانفعال كبير: واللى انتو بتعملوه ده مش عيب؟ واحب اقولك يا مايا هانم انى عمرى ما احبك ولا هبصلك حتى.
مايا بخوف من صوته الغاضب: ا انت فهمت غ غلط.
ليرد عليها سيف: بعد كل الى انا سمعته وفاهم وتقوليلى فاهم غلط ايا كان اللى فى دماغكو ده عمره ما هيحصل سواء برضاكم او غصب عنكم.
ثم غادر دون ان يسمح لهم بقول كلمه اخرى.
مدام ميرفت بغضب: جرا ايه يا سميه انتى جايبانا نتهزق فى بيتك ولا ايه؟ يلا يا مايا احنا مينفعش نقعد دقيقة واحدة بعد الاهانه دى.
لتحاول سميه توضيح موقفها ولكن قاطعها صوت مريفت الغاضب: مش عايزة اسمع حاجة يا سميه وكفايه اوى اللى ابنك عمله.
ثم غادرت وتركت سميه تفكر فى حل لتصحيح ما فعله ابنها سيف.
¤¤¤¤¤¤¤¤¤¤¤¤¤¤¤¤¤¤¤
اما عند بطلنا.
غادر سيف وهو غاضب بشده وتوجه نحو عمله وخلفه حراسته المشدده.
وعندما وصل الى المستشفى ترجل من سيارته ثم توجه فى غضب شديد نحو مكتبه وكان يصب غضبه على كل من يقابله حتى انه لم يستمع الى صوت سكرتيرته منى وهى تتحدث معه.
فقام بخلع جاكيت بدلته وفك ربطة عنقه وجلس على مكتبه ووضع وجهه بين كفيه ولم يشعر بدخول صديقه عمر فقد كان يتذكر.....
Flash back
كان سيف جالسا فى مكتبه يتابع عمله فقاطعه صوت اشعار صدح من هاتفه الخاص به ففتحه فوجد رساله من رقم غير معروف وكان محتواها《 خطبيتك بتخونك و لو مش مصدق وعايز تتأكد بنفسك تعالى العنوان ده ********* وشوف الحقيقه》.
اخذ سيف متعلقاته سريعا وانطلق سريعا نحو المكان الذى قرأه فى الرساله.
End
أنت تقرأ
متيم ببرائتها
Romansaهو رجل قاسى تعرض للخيانه من اول حب له فى حياته؛فعزم على نسيان هذا الحب وكرس حياته لعمله ولابيه واهته افذى لايهمه شئ اخر سواهم يكره النساء ويتمنى لو لم يقع فى العشق ابدا ولكن هل يستسلم لطلب والدته له بأمر الزواج ام سيقع قلبه بعشق احدهم ويجعله يغير ار...
