اسألو وردو خبر اذا موافقين تأكمل اوراقها واخذها وياي
شافني عمي گال لعمتي ماجدة اشش گعدت يمهم
عمتي ماجدة حيل حبابة وحنينة گامت تبچي على ابوي وامي شوي وكعدت تنصح بيا وتعلمني
انتِ صرتي جبيرة لازم تعرسين لان البنية بس تعبر ١٥ بعد ماتزوج انتِ ياعيني تخبلين وشاطرة
اخذچ هم يمي واهناك كل مااضوچين تچين علي اهناك هم عماتچ تكيفين وانتِ بنية حبابة
عمة وبسمة شلون؟
عمة بسمة تبقى عند عمامج لان وحدة بس تزوج صير مسؤولة عن بيت وعائلة وهي هم باچر تكبر تزوچ
بس بسمة متعلقة بيا ياعمة ماگدر اعوفها المن اعوفها اخواني عادي يرحون على امهم بس انه اذا رحت هي وين تروح
ميخالف ياعيني عمامچ موجودين يضربوكم شي
لا والله
عجل خلص ياامي لاتخافين انتِ مو هم ضليتي وحدچ ميخالف ياعيني
سكتت معرف شنو احچي
بعدها باأيام عمتي مشت
رجعنا لحياتنا عمي كان يجمع يريد يشتري بستان بس كان البستان غالي سعرة بذاك الوكت عشر دنانير
كان مسعد الي عند ذاك المبلغ فهو خطية شوي شوي يجمع
بعدها باايام عمتي اجت بس مو وحدها هي وزوجها
فرحت حيل لان اجت عمي راح جاب دجاجة وذبحها َعمتي دنيا نادتلي ضليت ادحك عليها شلون نظفتها
خلصت طبختها تشريب حطوها غدة عاد عمتي نادتلي تعالي سلمي على عمچ حسين
رحت سلمت زلمة جبير كلش عمتي صغيرة
استحيت حيل هاي اول مرة اسلم واحچي ويا زلمة غريب تغدينة وسوينا چاي كعدو يشربون بالطرمة الشهر ٩ الجو مو حار حيل طيب الجو خلصو وطلعو الزلم انه رحت رشيت الطرمة وكعدنة بيها
خلص اول يوم ثاني يوم گعد عمتي ماجدة گالت بدلي ترحين ويانة علمود نكمل اوراق
عمة وبسمة واخواني وين اتركهم لو يرحون
عمة يضلون عند مرت عمچ مانطول احنا
بدلنا وطلعنا كملنا اوراق الجواز وانت وحظك شوكت مايطلع
نسوان عمي يگلون هنيالچ ها راح يصير عندچ جواز وتطلعين
بذاك الوگت يعتبرون لي يسافر زنكين وعندة فلوس
محد كان يگدر يسافر بس العندة فلوس وزير نعتبرة
سبحان الله بوگتها ماكو شهرين وطلع جان بي صورتي انه اضحك ونص شعري طالع صورة بيضة بسودة تصوير شمسي كل مااشوفها اضحك على روحي
فـ مرة ماشفنة الا عمي اجة يگول لكيت بستان صغير بس غالي ماعندي فلوس يگول لعمي سعد نبيع البيت ونتقاسم الورث
أنت تقرأ
رحلة صبر
Mystery / Thrillerقصة عراقية حقيقية لـ فتاة تعاني من اهل داعش لـ تفكر بالهرب من ماضي فيلحقها الى المستقبل لتدفع ثمن هي واخواتها شمسنا كئيبة روحنا سجينة الحياة آمالنا منكسرة الجناح عقولنا أسيرة العادات نشاء نحن وتشاء الحياة بحسب رغبتها هي دون أدنى اكتراث لرغابتنا...
