رحلة صبر

31

ماحسينا الا صوت شخطة طلقة سريعة كلش سديت اذني  ماالتفت الا اشوف الدم مطشر على التراب

دحچت شفت الزلم ركضو على الجهه الي كانت بيها ليالي  گمت اشوف ليالي نايمة بالگاع وردة عليه دم بس  منو تصوب لان ليالي لابسة اسود عبالي وردة

رگضت وياهم الزلم تصبح الله اكبر بعدو عنها فتحت عيوني صحت بـ صوت لياااااااالي

گعدت على التراب اصيح ليالي زلم رادو يشيلوها

نادة واحد بيهم جيبو حرام شرشف اي شي

اجيت كمشت ايدها كانت ثلج تخبلت جابو بطانية من المرة

حطوها عليها وشالوها شالها ابو رداد اكو شباب طالعين وحدهم بدون عوائل شالوها وياه ابتعدو عنها

موقف كان من اصعب المواقف انه اشوف اختي مدماية واذكر نظراتها الاخيرة على جهالها وتگلي خايفة ياريحانة اطلع يتزوج عادل علي  كل كلمة اذكرها اتخبل

الضرب بعدة مستمر شالوه والمشكلة مانعرف وين احنا وين الطريق الي يوصلنا الى ان اجا زلمة گال هسه نفس شي اذا تريد ترجعون على حلب هم ساعتين اطلعو على عزاز من هذا الطريق مشي ساعتين على هذا الطريق وتصلون فعلاً شالوها ومشو

انه لحگتهم وردة كلها دم محمد ورندة مااعرف عند منو بقو

ابو رداد گال ريحانة رجعي ابقي عند الجهال لا تزيدين الحمل علي

عافوني صارو يمشون كمشني  رداد وامه هما يهدون بيا انه صرت ارجف وابچي  شنو اگول لـ زوجها شنو اگول لااهلي بي خير يگول انتِ الي طلعتيها جهال يبجون

وردة نصدمت من شافت امها ساكتة وتبچي رندة كانت جوعانة تريد اكل والاصعب كان محمد الي يرضع منها يبچي يريد يرضع دحچت عليهم اختفو ابو رداد كنت خايفه نوب اخسرة

النسوان كان اغلب سوريين دخلوني عند المرة دنيا ظلمة الجو صح صيف بس صحراء ثلج انه  حاضنة الجهال ابجي الجهال يبجون يريدون اكل المرة كانت حاطة على جولة بتيتة مسلوكة

انطت لـ وردة مارضت تأكل رندة اكل شوي ماعجبها محمد يبچي يريد يرضع يصرخ صريخ ماشفت الا ام رداد گالت جيبي عندج اخذتة مني ضمتة لـ صدرة وتهزلة هو شوي وسكت انه اريد اسكت مااگدر الضرب اختفى

المرة گالت هي يبقون هيك معارك لـ هيك بعد العصر مااطلع بـ خاف على ولادي الله يشافيه لااختك

بيومها نامو النسوان فوك خمسين مرة وطفل والزلم نامو برا بالصحراء

يومها ابد مانامت عيني نسوان وحدة بصف الثانية انه كنت ثانية ركبتي للفجر وانه گاعدة بعدها شوي

گالو الزلم يلا امشو نمشي قبل لا ترجع اشتباكات

رداد كمش ايد وردة بدون مايحچي وياي امه كمشت ايد رندة وانه شلت محمد صرنا نمشي نمشي شوي ونگعد كان مثل الطريق الضيق على اليمين حايط كلش حبير كونكريت وعلى اليسار كان حشيش كلش عالي تقريباً نص ساعة اكثر وصلنا