رحلة صبر

البارت 24

لمحت واحد بالفرع يراقب بس ماهتميت شافني نزل طاكيتة ومشة صفن شوي  على البيت شافهم يشطفون انه معرف ليش صار عندي فضول اتجاه هذا الشخص اتقدم عند البيت فگيت عيوني انه اشوفة ذب مثل الورقة وراح انه شفتة حيلي هبط

ركضت رجعت على بيتنا فكيت الباب اسمع جدة وابوي يحچون على البيت انه فتت اركض على الربعة كتلة يابة والله يمكن واحد ذب قرص على بيت عمي عدنان الحك علينا هسه نموت هو وكف فاكة عينة مصدوم گال يولي شمدريچ جدة نظراته خوف

گتلة يابة انه جاي اروح على ليالي شفت زلمة ذب مثل القرص على البيت وراح ابوي نصدع مايعرف شنو يسوي  محتار يمكن اول مرة احس الموت قريب علينا جاي نحچي مانسمع بس صوت الطيارة گال ابوي سكتو گال اجتي يولو امشي نطلع لسه ماواصلين عند باب الكندور وفتحت مانسمع بس شخطة الصاروخ من نزل نرچ البيت رچ الشبابيك تكسرت العصف  فات على البيت مانشوف بس دخان اسود  فتنا نركض على الغرفة الاخيرة واسمعهم يدعون عبالنا بيت بس ابوي گال مو بالبيت عدنان امشن نطلع هسه ترجع تقصف

ابوي طلع يركض هدى بالبيت وحدها احنا طلعنا على الشارع گال روحو على بيت اختچ بس اشوف هدى جدة طالعة حافية عمة رغد لابسة عبايتها بالمقلوب

ونركض بالشارع انه وكفت شفت ابوي طلع هدى مشيت اجة ابوي گال الضربة بيت يمكن ابو فاطمة هاي مرة الي تبيع ملابس متأذي ابنها شوفي شلون انذال ركبو سياراتهم وطلعو من البيت وعافوه

وصلنا على بيت اختي فتح الباب عادل گال فوتن يا حزينات فوتن  جوا دخلنا كانو  گاعدين يتغدون بس قصفت وتاركين الاكل اشوف هدى ترجف گتلها شبيچ

گالت ريحانة دمرت نفسي ماحسيت على روحي من الخوف تأشر على رجلها گتلها ميخالف هسه نگول ليالي وفوتي سبحي وانه انتظرج عند الباب لبين ماتخلصين

گالت خاف تچي طيارة وانه بالحمام،،،

عجل ليش جاي اگلج انتظرچ روحي بـ سرعة ماتجي هسه يلا

فاتت تسبح وانه انتظرها لـ بين ماطلعت شوي اجة ابوي وعادل گال خطية ابن ام فاطمة متأذي كلش ماخذي على الرمادي بس لحد هسه ماكو قتلة بس جرحى

گعد يحچي يگلهم ايات شافتة زلمة وهذولاك عافو السجن الـ گـ..... ييد مايموتون في سبيل الله هااا لو وگت شافو الجد عافو المساجين ونهزمو بـ سياراتهم

عادل يگلة ههههه عمي هو الموت يتحاچة الهزيمة ثلثين المراجل

ذرة رجولة مابيهم  عمي كلهم ف.... روخ والله وهذاك الساقط انور دايح وعايفني مبتلي انه طاير ادري شنو مستفادين اريد اعرف من حرب أمريكا لليوم شنو الي ستفدنة اريد اعرف  هذولاك بالگبور واختهم حتى گبر ماعدها ونوب عدنان باك الفلوس ونهزم نعرف وينة مات عايش وهذا طاير ولا يدري عن دنياتة شي والله محد راح يگع بيها غير انه باچر شوف عينك يا عادل الايام تثبتلك الحچي والا مرتي شنو عندي ابعثها على بغداد ها هي ولدها غير من وراهم بلونة والله محد يگعد بيها الا انه