رحلة صبر

البارت 6

كاعدين بالحوش ميبسين خبز جاي نحطة الگونية

مانشوف  الا احمد فتح الباب گال تفضلي..

كلنا احنا  گمنا عبالنة خطار عمتي خلود گالت تفضلي

فاتت بنية قصيرة مو طويلة شوي متروسة

گعدت بالربعة احنا لمينة الخبز وفتنا

اجة احمد گال سووي بسمة جاي رحت سويت جاي

استغرب احمد گاعد مع المرة شنو هذا مايستحي

رحت وديت الجاي دخلت ادحچ على عمتي نظراتها مدري شلون افسرها

قدمت جاي اطلع احمد نادلي گال گعدي البنات گلهن گاعدات

حچة گال بسمة هاي حرمتي انه زوجت على سنة الله ورسوله ان شاء الله ما فرق بينكم انتِ مرتي وهي مرتي

الخبر نزل علي مثل الصاعقة انصدمت صدمة عفتهم ورحت على الغرفة حطيت ايدي على المخدة بلشت ابچي بيومها حسيت بذلة من راحت امي ماحسيت بذلة مثل هل اليوم

يعني عروس سبع ايام الناس شنو تگول شوي هو دخل

گعد على المخدة الي يمي گال انه ماسويت شي غلط
بس يابنت عمي انه اكره ماعلي اشوف وجهچ احسچ وسخة مو نظيفة مااگدر مو بيدي

ويشهد الله چنت احبچ حب بس الله يعلم بي بس بعد عملتچ اشوف الساقطة اشرف منچ

رفعت راسي شفتة مبتسم كرهته اكثر مااني اكره يعني انسان  مارضى ازوج الي رادني ولا هو حبني ورادني

ماحچيت شي طلعت غسلت وجهي ورجعت على شغلي هو حسيت كل اليوم مراقبني عيونة مافارگتني بس ماهتميت 

عمتي فرغت غرفتها الهم لبين مايشوف شلون صارت تنام هي ولدها واخواني بالربعة هو راح فات على الغرفة انه شفتة اخذت اخواني ونيمتهم عندي

ليلة ماعرفت انامها ابد حسيت  بذلة وقهر لقريب الفجر لـ غفت عيوني بس مابيها ساعة وگعدت

الكل گاعد جاي يسوون الريوك  بس واضح يريدون يعرفون شنو ردي احمد طلع من الحمام ينشف بشعرة گال صباح الخير  الريوك يتأخر

عمتي گالت هسه راح نصب صبينة وگعدنة هو احمد نادة ايمان تعالي دحچ علي

طلعت هي لابسة ثوب احمر وفرحانة گعدت يمة ناوشنا خبز هو يقسم الگرصة بينهم

عمتي دنيا تنهدت ودحچت علي ماحچيت شي ومرتة دحچ بنظرات كره وتريد تخليني اغار منها

رغم ما احبة بس يبقى شي صعب

خلصنا شغل انه چنت اشتغل هي ضل منصوبة اي واحد  سألها واحمد مايرضى اشتغل

مرت ايام احمد حچي مااحچي وياه يريد شغلة مني انطي ياه بدون ولا كلمة مني...