رحلة صبر

34

ضيك عيونة گال ريحانة ماريد اخوفج بس مااعرف
باجر اصعد اشوف

بليلتها مانمت ابد اگله والله صوت تكسر المواعين وغسلين المواعين مايهدة الصوت الى بعد الفجر

ثاني يوم صعدنا انه وياه انصدمت صدمة حياتي كان ماكو بيت بس مجرد سطح 

التفت علي گال وين بيت ريحانة هاي بس مخزن وغراض منو الي اجا عليج

-والله معرف بس صدك شفتها مرة اخذت مني شكر وراحت حتى غجرية

- هما وين يحجون عربي انزلي تقفل الباب وانطي المفتاح للزلمة

نزلنا وانه افكر منو هاي المرة دخلت على البيت بي ريحة ماطيبة ابد رغم البيت كلش نظيف بس اشم ريحة  ماحجيت لـ ارشد دخلت على الغرفة بيها الريحة كلش قوية فتحت الشبابيك

وردة بالمدرسة رندة هي ومحمد گاعدين على التلفزيون

رحت على المطبخ اسوي غدة حسيت بـ ثكل بـ جسمي حسيت احد وراي نفسة كلش قريب علي

التفت ماكو احد ابد راسي صار يوجعني فزيت على صوت الباب

رحت فتحتة ارشد كان يدحچ علي معرف شنو من نظرات

گعد گال جيبي مي انطيتة مي گال ريحانة تحسين بـ شي يوجعج شي

استغربت گتلة لا ليش اكو شي ركز حيل بـ عيوني شوي اتنهد گال ماادري

مر اليوم عادي بليل نامو البنات دخلنا نام ارشد سحبني لـ حضنة ريحة كلش ماطيبة بي ابتعدت عنة

هو حس بس ماحجة جنت استحي اگلة يعني بيك ريحة ماطيبة رغم هو نظيف كلش بس مااعرف

ماحسيت الا انه امشي بـ مكان مظلم كلش امشي بس مااعرف وين اشوف اكو جبل يخرج منة نار ادحچ عليه خاتل وراه جمل شكلو يخوف اشوف وجهو يختل بالجبل يرد يطلع يدحچ علي بـ نظرات تخوف  ماحسيت الى واحد ضاربي بـ ظهري ودفعني
من دفعني وگعت حسيت من مكان عالي كلش فزيت

انه اصيح ارشد فز هو على صوتي شغل ضوة الموبايل گال شبيچ  انه اتنفس بـ سرعة گتلة مي اريد مي

انطاني مي شربت گتلة لا تتركني الله عليك

-بس اهدي مااتركج شبيج لا تخافين عمري نامي

شغل القرآن بس كنت خايفة بليتها مااعرف شوكت نمت

ثاني يوم گعدت  بس كان جسمي متكسر وخاصة ظهري حيل يوجعني وردة راحت ارشد جاي يتريك گال شبيج البارحة

حچيتلة گال شيلي الددب الي بالغرفة مو زين والله عرفت

-شعليه الددب ليش ماعليه شي

-يابة شليها ذبيها لل تخليها بالغرفة لا غرفتج ولا غرفة الجهال ماتشوفين عيونج واضح ممسوسة