رحلة صبر

33

صايمين كنا ماسمعت الى دكت الباب گام فتح الباب عمي ان ابو رداد

عمي سلم عليه گال اخذو طريق دخلنا على المطبخ
هو دخلة على الربعة

كان الدنيا ظهر  اجا گال ريحانة زلمتج عمي اجا تعالي سلمي عليه انه رايح على الجامع بس اصلي ارجع

دخلت كانت عينة على التلفزيون اعرف مامنتبه بس يمكن يلهي روحة

شافني ابتسم سلمت عليه وگف على حيلة الجهال كانو يتفرجون على افلام كارتون

مدلي ايدة سلمت عليه سحب ايدي  وحضني باسني من خدي

كامش ايدي گعد على القنفة وگعدت يمة هو عيونة تلتفت على وجهي گاعدة مقابيلة وهو كامش ايدي

گال ريحانة مشتاقلج والله وتعبان من دونج ليش ماترحميني لا انتِ ولا غيرج يعني اتصال ماتصلتي هل الگد اني رخيص عندج

-لا مو رخيص بس انه نفسيتي تعبانة على اختي مااگدر انساه صعبة عليه

-اني تعبان بـ دونج ترا دا سوي حرام عليج شوفي شكلج الحزن بعد الثلاث ايام حرام ترجعين لـ حياتج
انتِ تاركتني حيصير شهر ترا الوحيد الي تحزنين عليه اني اذا متت عليه اربع شهور ثقي بالله لا نيتي شي بس من شفت هيج وجهج ذابل حجيت اني جاي اخذج ونرجع خليها ترجية بااذنج مااعوفج ابد اموت ومااعوفج

بعدين اريد اعرف هي راحت الله يرحمها شنو تستفادين أذا ضليتي حزنانة ترجع والله لو نعرف الميت بالبجي يرجع جان ماخلينا دم بالعين يعتب علينا  صح كلامي لو لا

ماعرفت شنو اردلة بس كانت عيونة تحچي كمية الشوق والحب

شوي ودخل عمي ترك ايدي انه كمت شفت عمة سحر

گال راح انزل على السوبر ماركت اجيب دجاج هسه اذا اخبر عمج يشهرني لان طلع نسيت اخبرو طلعت

گعدو يسولفون اسمع عمي يسولف هو وارشد على وضعهم وين ساكن

سوينا فطور وگعدنة ننتظر ياأذن المغرب كان يأذن بـ ثمانية الا ثلث

عمي يگول هسه اهل العراق فطرو وكملو والله حكة نفطر وياهم شعلينا بتركيا

شوي واتصل يوسف كنا نفطر گال احنا فطرنا بغداد

صح اخواني من ابوي بس طلعو احسن من ابوي نفسه يضلون يتصلون علي ويسلمون بس ماجنت احب احچي ويا امهم شوي وگال يوسف خطبنة لـ يعقوب بنت خالي يمكن بالعيد العرس

شگد كرهت امهم اختي ماصار الها شهرين ميتة هو خطب

عمي عدنان يحب يشاقة ويضحك  گال شوكت صار زلمة اخوك يول عاد ان شاء الله مايفشلنا جدام الوادم  ويضحك،، يوسف يگلة ها شبيك عمي مو البنات اهنا يضحكون

شلنا الاكل شوي گال عمي كومن بدلن علمود نطلع على البحر نروح نأخذ نسيبنا الغالي گومن عوفن حتى المواعين خلي محمود يغسلها