رحلة صبر

25

اخذت الملابس ونزلت اركض شافتني فردوس گالت ساعة شعندچ ماتشوفين هذا فوك والله لو  ابوي وعمي هين غير يذبحونچ

-شبيچ انتِ الثانية جنت اشيل هل الشضايا ومن شفتة بسرعة نزلت

-دمشي حطي الملابس هسه يجي ابوي بسرعة

-ترا انه اكبر منج اشو انتِ تتأمرين علي قسم بالله اكسر ظهرج

ضحكت وگالت والله هسه يچي ويگومن يحچن علينا

شوي واجا عمي صعدنة ورحنا انه بالطريق صافنة بغير عالم اتخيل نفسي انه وياه الي اسمة مااعرفة مااعرف ليش صورتة ماتروح من بالي شوي واگول شلون هو متزوج واضح يحب مرتو حيل افكر وابتسم

وصلنا البيت بيت مخنوگ  مابي غير حديقة صغيرة المنطقة هادئة كانت بعيدة عن المركز المدينة مثل مقطوعة بس بيها اسواك ومحلات بس ماينسمع صوت كلش هادئة مو مثل ذاك البيت كان بشارع عام ونضل نسمع اصوات السيارات والناس

بلشنا نظف جدة گعدت مابيها تشتغل  هو البيت  كان مؤثث بس حطينة الملابس ومسحناه

كان اكو تلفزيون بالبيت بس عمي مايرضى نشغلو حرام ومايصير

والله ماشفنا الا ابراهيم گال انه ضايج شغلو واشتغل

صار يقلب يدور على شي يتفرج عليه رحنا انا سوينا عشا

اجا عمي گال هذا البيت هم فارغ باجر روحن نظفو تگعد بي ثريا واذا احمد يريد بيت هم يأخذ بيت

التفت گال ها منو مشغل التلفزيون ابراهيم گال انه يابة طالعة روحي اشوفلي لعبة طوبة شي

گوم طفي مايصير لا تسويلي مشكلة گوم حرام كلة ذنوب روح طلع القرآن اقرة احسن الك

گام طفاه تعشينا ابراهيم يگول لـ عمي ماتطلع يابة
يگلو ليش شتريد هو يبتسم گال اسأل

عمي هز راسة گال هسه طالع ضايج تريد تطلع

لا يابة باردة مااطلع لو دافي الجو اطلع ثلج راح الف راسي وانام

شوي وعمي طلع گام ابراهيم وشغل التلفزيون يضل يدور شاف مسلسل الزير سالم گعد يتابع گال ياعجيات اذا اجا ابوي گولو الي مالي خلگ يحچي علي

گعدنة نتفرج شوي ماحسينا الا عمي مطفي التلفزيون گال مناعيل الوالدين اگول ممنوع تكسرون كلامي

ابراهيم گال يابة هذول البنات هن يتفرجن انه مااتفرج

ديرو بالكم كلكم والله اكسر ظهوركم بس اشوفكم مشغلي

جدة گالت هسه شنو متفرجين قابل هو حرب البسوس وقتال مابيها شي بس احنا يوميا جاي نشوف اشكال القتل والحرب لحالهن

عافنا وطلع رجعنا شغلناه وكل شوي وحدة تشوف خاف يچي يگوم يصيح علينا خلصت الحلقة

عاد گمنا شلنا المواعين حطيت على الجولة مي علمود يحمى واغسل المواعين  رحت على جدة فرشت الها وطلعت مي مو حيل حامي غسلت المواعين ورحت على فراشي تمددت غطيت راسي بارد الجو شوي وطفت الكهرباء انه مااجاني نوم تغير مكان رفعت الغطا ظلمة مدري ليش اجت بالي صورتة معرف شنو جاي يصير الي ليش هيج مااخذ افكاري واذكر شلون منزل راسه ويستغفر  وشلون نطا لـ جنات الچكليتة ابتسم