رحلة صبر

البارت 26

رجعنا على البيت نزلنا سيارة د١عش واگفة  وكفنا ننتظر ماشفنا الا وحدة مرة طلعت هاي مرت عمي ابوي گال  خير يابة شكو گال واحد اجانة امر انو هاي المرة كان عدها شخص داخل البيت وهسه راح يتمم التحقيق. وياها

ابوي گال يابة وين ماخذيها هاي مرت مسؤول ميصير هيج واضح انت ابن اصول ماترضى ابني

جاوب ابوي بطريقه قذرة گال واذا مرت مسؤول شنو يعني تزني ومحد يحاسبها على الغلط لان مرت مسؤول ابتعد من اهنا علمود مااخذك انت هم وياها

-يابة شنو تزني ميصير هذا ابني جاي ترمي المحصنات غير اكو شهود

مارد على ابوي صعدو بالسيارة ومشو

ابوي گال فوتو دخلنا بلش افشار وغلط وسب صار يكفر استغفرالله 

جدة تسكت بي تگله هسه يسمعوك استر علينا والله يذبحوك
جدة گعدت دك وتلطم وتبجي انفضحنا فضيحة  شجاني ورحت عساني لا رحت شصار خليتها وحدة تخبلت يارب تونست ونسة كشرة علي  سالفة بسمة راح تنعاد شنو سوينها يارب والله نمشي من الحايط ونصيح يارب الستر

ابراهيم صافن والبنات يبجن على امهن ابراهيم خطية شاب شلون راح يتحمل حچي الناس انصدم 

ابوي گال وين تلفوني گومن شوفو اروح افتح نت من القاعة احچي ويا ذاك الساقط الي بلانة كل بلوة هو مرتاح
يلا شبيجن بالعجل كومن عاد قبل لا تعزل

گمت انطيناه عافنا وطلع جدة گامت ترجف وتون
فرشنالة وحطت راسها تون گتلها جدة والله ماعندي جهاز ضغط لو عمدي كان قست الضغط گالت كاشة بس غطيني غطيتها وطلعت

شفت فردوس تبچي گتلها شبيچ؟

-ريحانة امي راح تموت ويذبحوها ياريت تموت موتة عادية لا شيلون حچر جبير ويضربوها على راسها ويجوز ابوي هو الي يذبحها يولي اتخبل والله

- بس گالت هيج كش جلدي شبيج يولي هي سالفة اكيد جاي تبيع لااحد وشافوها عبالج هيج غير شهود واحنا نعرف عمة رغد كلنا نعرفها شنو هي لا تخافين صدكي ماكو شي

-طبعاً متعرفين هذول ذاك نهار مو ذبحو طفل ما عمرة ١٢ سنة تريد مايذبحون امي ريحانة بالله عوفيني ماتعرفين هاي امي

عافتني وراحت ضحكت ضحكة استهزاء عساس انه مانحرمت من امي

رحت على جدة گتلها ها جدة شلون صرتي هزت راسها گالت مكرودات انتِ َخواتج وبنات عمج نوب امج هسه مرت عمج هسه هم انتِ  وبنات عمج تتحملن الذنب هسه يفصخ الخطوبة

شوي واجا ابوي گمنا كلنا گال والله ماكو مافاتح نت دزيت رسالة وانطيتة علم شريد اسوي نوب هذا قدرتي والقدرة لله  يطبة مرض ووطنا هل الورذة هو طاير يفرفر بـ مرتة تترضى عليه

رحت فرشت جدة شادة راسها ونايمة وفردوس متغطية بالبطانية وتبچي وجنات نايمة

بليتها ابوي ابد مانام ولا خلانا نام هو يمشي بالبيت ويحچي ويفكر والطيران فوك راسنا