عمتي نجاح بالحديقة تشيل تراب وذب على راسها وتصيح راحو ولدي
رجلية احسها ماحملتني اريد بس اوصل الها احس الطريق شطولة
گلبي يدك هي تصيح راحو ولدي يا يمة
دحچت عليه گالت ماتو يولو ماتو اخوانچ
نفچرت بالبچي صرت ادك والطم واضرب على رجليه
شفتها طلعت مثل المخبلة تركض البنات يمي يبچون
لبست عبايتي عفتهم وطلعت امشي وابچي بالشارع اريد اوصل
ماصدگت اوصل. الفرع شارعنا متروس ركضت
الزلم فتحو مجال دخلت اشوف عمي سعد ونسوان يبچون اگو جثتين مغطيها بطانية
وعمتي نجاح تصيح فاگة البطانية وتبوس بيهم
اچيت اشوف بس اريد اصل رجلية ماعاد شالوني وگعت بالگاع صرت ابچي
شالو عمتي نجاح تقربت منهم محمد نايم مبتسم
محمود مفتح عيونة وحلگة ضاربيهم طلق
محمد ٣ طلقات ومحمود ٤ طلقات بصدرهم وجهه گلبهم
سابحين بدمهم غطوهم دخلونة جوا تخبلت گلبت الدنيا الصياح وبچي
يبووو راحو اخواني اچت بتول حالتها مو احسن من حالتي
عمتي نجاح فقدت گعدوها عيونها حمرة گالت مااشوف بيها يولو راحو ولدي
ببتنا انترس ناس اخذو الچثث يغسلوها
گاعدين كل وحدة تنوح بزاوية ماشفت الا بناتي جمي عندي ريحانة تبچي
وهدى تريدني گعدتهم عندي بتول نصدمت من شافتهم
عمتي نجاح تنعي فتتو روحي راحو ولدي تمنى ابوهم يشبع منهم لا شبعو مني ولا من ابوهم عفتهم
احنا نبچي على صوتها
ننتظرهم يچون ماكو النسوان لبسو اسود
الا انه گلت ماالبس اسود الا ينچتل چتالة
لـ صبح على گعدة وحدة ب التسعة چابوهم مغسليهم مغطين جسمهم مايبين بس وجوهم حاطين قطن بااذانهم وخشومهم
ضميتهم على صدري بوستهم وابچي اگلهم مكانكم بالجنة ان شاء الله ماأذيتو احد والله
ودعنالهم حطوهم بتوابيت اثنين حطو العلم العراقي
وشالوهم صعدنة على السطح نشوفهم منطقتنة كلها طلع
مانشوف بس تابوت مغطة بالعلم وينادون( لا اله الا الله وشهيد حبيب الله)
بتول سلملي على ابوي وعمي مودعين الله يثبتكم عند السؤال
نسوان گلنا فوك نشوف شلون زفوهم بلشو يمشون هما ينادون لما راحو وفرغ شارع
أنت تقرأ
رحلة صبر
Mystery / Thrillerقصة عراقية حقيقية لـ فتاة تعاني من اهل داعش لـ تفكر بالهرب من ماضي فيلحقها الى المستقبل لتدفع ثمن هي واخواتها شمسنا كئيبة روحنا سجينة الحياة آمالنا منكسرة الجناح عقولنا أسيرة العادات نشاء نحن وتشاء الحياة بحسب رغبتها هي دون أدنى اكتراث لرغابتنا...
