رحلة صبر

28

باسني من راسي گال ادعيلي وديري بالج على نفسج احبج 

حضنتة گتلة انه هم احبك الله يحفظك لا طول علي

بااذن الله مااطول اذا الله كاتبلي عمر راجع اذا لا بعد قسمة الله

شال جنطة الغراض وطلع

دخلت على الغرفة جدة گالت مشا زلمتج يمة

هزيت راسي گالت الله يحفظة ويحفظ عمج ويردون سالمين

ليالي گالت باجر ترا يمنا تجين عازمتج خالة مو ماتجين عيب ترا

-لا اجي ان شاء الله

-شبيج ضايجة عيني ماصارلج اسبوع من تزوجتي شهل الحب الزايد يرجع بس غير يخلص شغلة ويا نسوانة ويرجع لا تزعلين قابل وحدج مشترك وياج اثنين

-شنو هل الحچي ليالي شبيج وياي انتِ من نخطبت وانتِ شادة وياي فرد مرة شنو سويت فهميني من اول تجين تسمعين حچي لهل ساعة هاي ترا والله مالي خلك الج  قابل اول وحدة تأخذ مزوج بعدين معليج مشتوك لو لا انه راضية عليج انتِ بـ زلمتج وبس هاهية

-ويطبج مرض فوك مرض هم فوك مو مقهورة عليج وجاي احجي وياج واشاقة وياج وبس علمود اذكرج لا تعيشين بااحلامج

-منو عايش بااحلام اي شاقة ماكو بيني وبينج تمام ان شاء الله يأخذ عشرة لا تدخلين

-اي والله ماتلامين بيا انه شعلي احچي واقهر بـ روحي علمودج وميتة هي عايشة بااحلام بس يلا بار تگعدين من احلامج

جدة گالت يا ويلج من الله اثنينجن غدي شگواتج يا ريحانة الله يساعدو هل المكرود وانتِ ليالي يمة عاد احنا نگول عندج العاقلة الهادئة شصار بينكم گبيتو

ليالي :والله جدة هي مدري شبيها اني غير مقهورة عليها

-خلص مقهورة لو لا لا تدخلين هي كلمة مبروك ماطلعت منج عليش مااعرف

جدة صاحت الله اكبر جاهل انت وياها  يازي  عاد عيب عليجن ليالي جهالج بطولج تركيها للبنية هذا نصيبها خلص هي مرتاحة وياه مالة داعي هل الحچي

ليالي زعلت وانه طلعت من الغرفة گعدت ورة البيت اكو مثل العرصة صرت ابچي ليش مااعرف يمكن صح غلطت صار تفكير يأكل براسي هسه يحضنها يبوسها يگلها احبج والمشكلة مو وحدة اثنين  صرت اذكر شلرن يگلي احب بنت عمي تخبلت شوي اسمع الباب انفك عبالي احد ثاري ليالي ماخذة ولدها وطالعة

نوب مدري شصاير بيا هيج نفلت عليها هم مقهورة علي بس انه شنو طلع باايدي ماشفت احد خطبني من ورة امي وليالي لو مو ابن خالتي ويعرفنة مايخطبها

رحت على جدة گالت راحت اختج زعلانة شبيج انتِ شگواتج انتِ من الاول بهذلتيني من ايام المدرسة

- عود تقصد من يوم شافتني احجي ويا عمر اي تمام انه بهذلتج

-اي وجع ترا اگوم اكسر العصا على جسمج خاف عبالج كبرتي وزوجتي اكمشج اطلع القهر كلة بيج