رحلة صبر

البارت 14

فتحت الورقة شفتة گاتب

وعليكم السلام ورحمة الله وبركاته

ان شاء الله بااقرب وقت ممكن انا أيضاً اشتاق اليك

احبك

استغربت شنو  ايضاً شجابها على مسألة؟؟

هي مسالة شنو اشو  اشتاقك لك احبك معقولة قواعد لغة عربية؟؟

رجعت سديتها ورحت انطيتها ياه هي واگفة بالمطبخ دحچت علي شافتني اچيت ركضت علي

-ها كون احد شافچ

-لا محد شافني شبيچ خايفة مسألة شنو

-رفعت حواجبها گال فتحتيها مو بالله

-اي وشفت شنو مكتوب وقريتة هم

-اسكتي ريحانة لحد يجي يسمع تعالي وياي على الغرفة

رحنا على الغرفة گعدت گتلها شنو احچي

-ريحانة حبيبتي احچيلج بس مو تحچين لااحد ابد

-حبييتي ؟؟

-اي يعني احبچ شبيچ المهم ريحانة انه احب عادل

-يا عادل عادلنة اي حچيلي مااحچي لااحد

-اي وجع شبيچ هو يحبني حيخطبني بس لان جدي توفى تأجلت

-يعني تنخطبين؛ وتزوجين من ايمت يوم العلم ماشفتي ولا عرفتي

-يولي هو شافني عند المدرسة گال من شفتچ عرفتچ لان تشبهين ابوچ وريحانة وبعدين گالي حبعث امي علمود تخطبچ  وجدي توفى

-يولي منو يگول ابوي يرضى ماتشوفي يضل يحچي على رجلها هسه هم مثل امي هم مايطلع ابن عمي يريدچ

-اوف مااعرف ريحانة بس احبو

-احبوو هذا هو معلمج تگولين حبيبتي 

-انچبي واسكتي بلكي يطلع عمامي يخطبني وازوج اخلص منچ

عافتني وراحت گملت شغلها انه رحت گعدت عند خالة رندة واتخيل عادل وليالي من يزوجون ويجون ويخلفون خطية هي تحبو گلت معقولة تأخذ الي رادها ونفرح عاد

لـ مغرب راحت خالة رندة ليالي جانت بالمطبخ تشوفهم اشوف عادل يدحچت من جوا لـ جوا علمود محد ينتبه عليهم

بعدها بـ فترة وصلنا رسالة من عمامي يسلمون علينا ويطمنونة عليهم وينتظرون الفرج

بوگتها ابوي هستوة جاي وقرة الرساله هو تخبل

گنالگم عوفو انعن ابوهم لابو أمريكية الجابتهم هو هذا دين  عساس مانعرف امريكية جابتهم علمود يذبحون هل العالم

ها هسه خليهم يرحون يفگوهم من امريكان لو بس ورطو ولد الخايبات وضمو رأسهم

والله انه راح اصير ويا الجيش بلكي افكهم بهذولنة