رحلة صبر

البارت 4

عشنة فترة صعبة بسبب حرب ناس خسرو ضناها ناس خسرو عقولهم چنت دائماً خايفة على عمامي

من حبي الهم وخوفي اخسر احد منهم لان فعلاً اضيع من بعدهم

عمتي دنيا حبلت زاد الحمل البيت هو غرفتين واحنا
١٣ بالبيت من غير عمامي صرت انزل على البستان

نحشش ونزرع ونزلة ولد يبيعوه مرت ايام مرات نام بدون اكل اشوف خواني الصغار يبچون روحي تفرفح عليهم بس ما بالايد حيلة
مرت اشهر عمتي دنيا جابت ولد سموه وائل

اختي بتول وصلت اخبار من عدها صار عدها ولد چنت بنفسي اشوفها اشوف ابنها بس صعبة

مرت اسنين وضعنة يوم سي يوم زين اخواني محمد ومحمود دخلو مدرسة اول سنة چنت اوديهم خالد رغم چبير ١٢ سنة بي اروح وياه واچي

بنت عمي نجمة هم دخلت مدرسة مرات اسمعها عمتي دنيا وعمتي خلود يحچون عمتي دنيا تگلها

بناتي غبر اخليهن يكملن دراستهن مايبطلن يتعلمن  طول ماانه بيا نفس چنت اموت بدمي اكو فرق بين  الام تضحي بسعادها علمود ضناها اكو ام تخلي ضناها همة نفسهم  الضحية

كل مااسمع يزيد كرهي الها وحقدي عليها ولا بعمري اتمناها ترجع

محمد ومحمود من دخلو المدرسة انه معرف اقري حيل بس خالد كان شاطر هو يدرسهم من اشوفهم يدرسون اگعد اتعلم منهم تعلمت اكتب اسمي اسم بتول 

فـ مرة چنت گاعدة كامشة ورقة وقلم خطي مو حلو واحاول اكتب فـ اجة احمد  گال

شجاي تسوين؟

جاي اكتب ضحك ضحكة استهزاء

شنو تكتبين تعرفين تكتبين ليش انتِ

اي اعرف..... اخذ الورقة دحچ على الكتابة گال شنو هلـ الكتابة تگول شخابيط بزونة هذا خط وحدة عمرها عشرين سنة انتِ مو درستي يول والله محمد ومحمود ونجمة يعرفون اكثر منچ

عفتة وگمت رحت على الربعة گعدت ابچي انه هلـ الإنسان مااطيقة من كثر الغرور حچي اجتنب احچي وياه في سبيل مايچيب طاري امي ماعدنة احد مثلة

لاعمي ولامرت عمي بس سبحان الله نار تخلف رماد

دخل خالد شافني ابچي سألني شبيچ ليش تبچين

مابيا شي بس ضايچة على بتول مشتاگتلها

خالد رغم صغر سنة بس كلماتة طيب الجروح گعد يخفف عني يگلي انه هم ماعندي لاام والأب گاعد وياج واحبچ  ابتسمت الو

ثاني يوم عمتي دنيا گال ودي اخوانچ ولحگيني على البستان

لبست عباتي وطلعت امشي كامشة محند من ايد ومحمود من ايد مشيت وصلتهم على المدرسة طلعت على طريق البستان اشوف زلمة مو چبير حيل مدري سيارة عاطلة مدري شبيها بس واضح عليه مو من ديرتنة