رحلة صبر

البارت 11

بليل ماسمعنا بس ابوي يگول شافني ابن عبد الحق

وگلي انسه سالفة مرتك لان قتلناه وذبيناه بالصحراء بس تفكر تحچي تنقتل وياه

ليالي سمعت حطت ايدها على وجهه كامت تبچي

انه ضليت مصدومة مااعرف شنو اسوي صعدت

مرت ابوي ايمان شافت ليالي گالت شبيچ ماحچت ليالي

شافتني ساكتة كمشتني من ايدي وصارت تهز بيا

عفتهم ونزلت اركض فتت على غرفتها قفلت الباب

نمت بفراشها انه ابچي اذكر كلامها شلون جانت تگلي

باجر اموت واعوفچ يمكن گلبها جان حاسه راح تعوفنة

شوي وندك الباب اسمع جدة تنادي رحت مسحت دموعي وفتحت الباب

شفتها تحچي ويا ابوي وتبچي عرفت فعلاً امي راحت بلا رجعة

تمنيت اسمعهم يگولون لا جذب بس من شفت ابوي

يسكت بجدة عرفت بوقتها خسرت امي اشوف ليالي

تبجي هدى ماعرف وينها  شافني ابوي كمش ايد جدة

بمعنى اسكتي شافتني مسحت دموعها گالت تعالي

رحت عدها ابوي طلع وعافنة حطتني بحضنها

گتلها جدة وينها امي صحيح ماتت

-لا ياعيني امچ هسه مريضة وراحت فوك على الجنة بس طيب ان شاء الله احنا نروح عليها ديري بالچ على خواتچ
وعلى هدى انتِ وليالي  لانها صغيرة،،، الله اكبر على كل ظالم الله ينتقم منهم بجاه الحبيب محمد

ادحچ حطت ملفحها على عيونها وصارت تبچي تحچي بصوت ناصي

بنات يارب يريدون تربية ومتابعة استغفرالله لا اعتراض على حكمك

راحت على ايمان بالمطبخ تگلها هسه المرة راحت

لدار حقها بنات امانة بركبتچ  شلون ماتعاملين جهالچ عامليهن ايتام

بناتچ هذن اعرفچ ماتقصرين خطية حطي ويلادج گدام عينچ خاف هم يخسروچ

-لا ياعمة بعيوني والله ازعل منچ اذا توصيني شلون مااعامل ويلادي هم اعاملهن

جدة راحت بالربعة حطت راسها ونامت

للعصر اجت خالة بتول وخالة رندة خالة بتول دك وتلطم متخبلة گعدت هي وجدة تنوح وتبچي

بس شافتنة سكتت جدة گالتها اسكتي مايعرفن البنات

هدى تبچي شالتها خالة بتول حطتها بحظنها وتبوس بيها

لليل اجة ابوي تعبان گال اسمع صوت واحد بيكم اخلص عليه

ثاني يوم الناس الي سمعو بيها ويعرفون بيها نقتلت
جمي علينا بس بدون فاتحة او شي بس يگعدون شوي ويرحون