هدى ماعدها تراچي گلت خطية البسها تراچي مالتي
رحت على الغرفة دورت بالكومدي ادور عليها ماكو
تعوذت من الشيطان دورت عليها هم ماكو ماخلين مكان ماكو
وين اختفت والله حاطتها هين
ما سمعت الا صوت احمد گال. على شنو دورين
-على تراچي حاطتها بالكومدي عبالي البسها لهداوي بس مالگيتها ماشفتها
-لا ماشفتها يمكن حاطتها بمكان دوري زين هسه گومي حطيلي اكل
رحت حميت الاكل انه افكر والله ماشلتها
حطيت الاكل گعد ياأكل انه ارجعت ادور عليها اختفت
هو گال هاي ضاعت لو تشگين بااحد شالها يعني
سكتت اخاف ابلي احد واطلع غلطانة
مر اليوم عادي احمد بليل گال چيبي المحبس ليروح
هم ضيعي اضمة عندي
نطيتة ياه وراح ثاني يوم بتول چتي سلمت حچتلها
اشو گامت تحچي علي ضحك عليچ زلمتچ ليش نطيتي
اليوم گولي اريدة ابيعة اشتري تراچي لـ هدى ها اذا مو هو ماخذ تراچي استغفرالله مااحطة بذمتي بس ماكو لو هو لو مرتو محد يفوت على بيتكم
گاعدين على العشة اشو ماشفت الا ايمان لابسة المحبس متت بدمي
حچيت احمد انطيني المحبس اريد ابيعة عمود اشتري لـ هدى تراچي
-منو يروح انتِ عوفيها عندي انه اچيب تراچي الها
-اي انطيني المحبس اريدة
اشو هي نزعتة من ايدة وزتي علي وعوفي الاكل وروحي
اتخبل احمد ياساقطة ماتستحين ابد
-هذا محبسي مابيها شي هي تراهي لابسة سوار اشو ماگتلها انطيني ياه
بلش ماخلة كلمة ماحچها عافني وراح على غرفتها
گال الها تعالي اخذي اسمع انه ميتة بدمي
هي تگلة لا والله مااخذة باچر رايحة على اهلي
انه شلت المحبس والاكل حطيتة بالمطبخ حتى المواعين عفتها واخذت البنات وسركت الباب
ثاني يوم من الصبح وديت ليالي نطت المحبس لـ بتول ورجعت
ايمان زعلانة عن الاكل ماشفتها الا لبست وطلعت
احمد رجع تخبل بس ماهتميت لحچيه ثلاث ايام يروح ويرجع هي ماترضى
هو على زعلها زعلان ويسب بالبنات وبيه
بعد اسبوع ماشفتة الا جايب دجاجة هاي اليوم سويها عشة زين
رجع نظفي الربعة طبخت الدجاجة المغرب رجع
شاف البيت نظيف ماحچة شوي ماسمعت الا يگول تفضلو
أنت تقرأ
رحلة صبر
Mystère / Thrillerقصة عراقية حقيقية لـ فتاة تعاني من اهل داعش لـ تفكر بالهرب من ماضي فيلحقها الى المستقبل لتدفع ثمن هي واخواتها شمسنا كئيبة روحنا سجينة الحياة آمالنا منكسرة الجناح عقولنا أسيرة العادات نشاء نحن وتشاء الحياة بحسب رغبتها هي دون أدنى اكتراث لرغابتنا...
