رحلة صبر

البارت12

ابوي هم خاف على روحة گوم وطلع حچي على امي

عساس هي نهزمت ويا واحد وقتلها اخوها (غسل عار)

الناس الي تعرف قصتة صدكت بس الي مايعرفون صدكو كلام ابوي

مااعرف شنو فكر ابوي ماگال عدها بنات ثلاثة منو باچر ياخذهن وامهن شاردة ويا واحد

بعد فترة انه صرت وحدة ثانية بسبب وفاه امي  وحدة جسرة محد يگدرلي الكل يضوج مني اضل اصيح وابچي يمكن جنت اتحجج اريد امي بس ماعرف شلون اعبر

جنت اطلع من الصبح بالشارع العب ويا الولد دعبل طوبة يضربوني اضربهم نلعب شوي مانشوف نفسنة الا تكاونة تصير ناس تضرب ناس بالحجر

لو اكمش الولد اعضة اشيل التراب على راسة الى المغرب ارجع للبيت

بش ارجع قبل لايجي عمي انور وجدي ليالي خطية

بس اگلها تعالي نلعب لا بس اغسل ملابسجن بس ابدل لـ هدى  التهت بينا

ماعندي الا اطلع العب ويا الولد اكو اصغر مني واكو بعمري

نسيت لعب البنات ابد مااحب العب مثل البنات

مرة جيت گلت ليالي تعالي نلعب مصارعة ماقبلت

ماعندي الا ولد عمي واختي هدى انه جنت سمينة

گعدت اتصارع وياهم وهدى فوك راسي تضحك  وتريد تتعارك

انداريت عليها احط وادفعها بس بلعب ليش ماترجع لورة وتلوي رجلها

صارت تصرخ من وجعها تبجي لان ماجانت تحچي

كلمات قليلة على صريخها طلع جدة خلود انه گعدت

سويت نفسي ماعليه بيها هي صارت تعرج اچت سألت

منو ضاربها ماكو غير ريحانة يمة يمة من ريحانة

والله اذا ضليتي هيچ غير تسفحلين شگواتچ الله يستر منچ حظ امچ هم حتى امچ فقيرة لو گوية گلنا على امچ  تلعب هي والولد شلون ماتصير عرمة

انه ساكتة مااستر احچي اجت گرصتي من رجلي گالتي صيري ادمية باچر انه هم اروح واعوفچن

جنت بس اسمع هل الكلمة لي يگلي اموت لو اروح واعوفچن اتخبل

صارت عندي ردة فعل من يوم امي واذكر گالتي اموت واعوفچ  گتلها لااااا والله بعد مااضربها

بس جنت العب وياها وتعورت رجليها  عافتني وراحت

اخذت هدى للحمام مي حار وصابونة ركي دلكت  رجليها وطلعت لفتها

اشوفها تعرج رحت عليها بستها بخدها هي عمرها ٤ سنوات

يعني امي ماتذكرها ابوي مااجة حتى لو يجي مثل الخاطر

ما يسأل علينا ابد اهم شي مرتة ولدة شكد كرهتة رغم صغر سني بس اكرهه ماعلي اشوفة

تلعب روحي من اشوفة بس يجي علينا اتخبل ليالي