رحلة صبر

البارت 21

عمي گال جهزو اموركم ان شاء الله يومين ويچي يشوفها العريس النظرة الشرعية البيت ماريد بي گشاية صوتجن مااسمعة ابد

جدة گالت عساس هسه جايين يصير خير منا لليومين ماندري منو بينا يموت

اني جاي اوصيچن بس وارجع ورا يومين هم اوصيچن  تنشوف انتِ رغد اخذي ريحانة على السوك شوفي شتريد تشتري اخذيلها

العصر اجت ليالي رادت تروح على الدكتورة لان هي حامل بـ شهرها  نزلت وياها انه وعمة رغد تركناها عند الدكتوره ورحنا نفتر بالسوك اخذت دشداشة وشال نفس لونو ورجعنا على ليالي  وفرحانة

گالت جنت انتظرجن انه شافتني الدكتورة الحمدلله وضعي تمام گالت اذا تردين انطيچ محرضات للطلق علمود تولدين

كتلها وكالت شنو بيچ لو لا

اي الحمد لله يارب تگول ان شاء الله ولد

فتحت عيوني وابتسمت گتلها جذب الله عليچ صحيح لو تشاقين

شبيچ ثولة اگلها والله ولد الحمدلله اريد اجيب العلاج علمود اولد واخلص

امشي نروح على الصيدلية،،،، رحنا انطتها العلاج ورجعنا على البيت

گالت ريحانة اتركي سالفة الخطوبة شنو تاخذين واحد من ذولة يولي شنو ناقصچ مو خايفة على روحچ هم باجر تخلفين اسم الله تترملين اهجدي واسكتي

مايصير الى الكاتبة الله ترا هذا مو عمر علمرد ماترضين اتوقع انتِ ماردتي عمر يأخذني وتردين هسه تخربين واهسي ماعليچ عليج بـ زلمتج وجهالج

ماردت علي نقهرت وراحت انه هم انقهرت عليها ليش جرحتها

رحت شفتها مقهورة احچي وياها ماترد لو ترد بس بعد شوح يلا ترد علي

عفتها ورحت اسوي عشا ويا البنات اول يوم ماعدنة احد من أصدقاء عمي بس عدنة ليالي حطينا العشا

بعد العشا اجا عادل طلعت اركض عليه گتلو ابو وردة اريد بشارة ليالي بيها ولد ترا هو ابتسم گال وينها هسه،،،، جوة تفضل

دخل كانت حاطة رندة بصفها ومنتجية على الكنتور

كام يضحك  وفرحة واضحة بعيونو گال صحيح حچي ريحانة،،، هي هزت راسها بخجل وعيونها دمعت  عادل سمع هيچ روح بوسها من راسها وبـ خدها  جدامنا

انه فشلت عفتهم وطلعت  جدة تگله الله يديم الفرح عليكم يا جدة انت وياها نيتكم صافية وقلبكم طيب
فـ الله ان شاء الله ينطيكم على گد نياتكم

ليالي كانت مجهزة بس خطية ماكانت تروح تشوف شنو بيها

ليالي بلشت تأخذ العلاج بس نامت ماكو شي 

ثاني يوم رجعت اخذت صارت عدها اوجاع بس ماردت تروح كلنا گاعدين يمها بناتها صارو يبچوون من شافوها