رحلة صبر

البارت 17

ثاني يوم ماگعدنة الى صياح عمي عدنان وبجيه هو يگول يولو ماتت امي راحت امي يبچي عليها مثل الطفل

كمت مفزوعة انه اشوف عمي حاظن جدة وبس اكتافو تهز گومة عمي انور وشالوها هو ابراهيم حطوها بالسيارة وطلعو على المستشفى

جدة خلود گعدت تبچي ودك على رجلها هي وعمي عدنان عمي عدنان طلع بالحوش حط ايدو على الحايط وصار يبچي وينادي لا حول ولا قوة الا بالله

شوي واجة ابوي هو واخواني مفزوعين واضح هسه سمعو گال ابوي گول ياخوي يالله هاي سنة الحياة
خطية ارتاحت شگد تعذبت بعد عمي الله يرحمها

هو حاط ايدو على راسو والحايط ويكهد ويبچي

شافني ابوي گال روحي جيبي مي يلا تحرگي بسرعه

رحت جبت مي انطيته مي عمي گال ماريد اريد اروح على المستشفى

ابوي حچة هسه يچون ندك الباب گالو فوتي جوا

عمة رغد تمسح بدموعها تگول منو اجة گتلها معرف

تعالي ريحانة نلنلم هل البيت هسه يبلشون العالم يچون بلشنا نشتغل فتحت بردة المطبخ اشوف عمي للان يبچي اكو زلم جوارينا يهدون بي

انه اهنا بعد انفجرت بالبچي اتذكرت امي نحرمت منها هذا زلمة ومتزوج ويبجي على امو يريدها عجل انه شنو نگول انه ولـ هدى لي حتى ماوعت على امي ولااعرفت شنو ام لو شنو حنان ام

عمة رغد شافتي هيچ جابت مي تريد بس تسگت بيا

گامت جيب مي وتطش على وجهي عبالها ابچي على جدة يمكن ردت بس فرصة اشوف احد يبچي صار سنين كاتمة بگلبي

جابو جدة حطوها بالربعة راحو نادو الي تغسل الموتى گالت لي يريد يشوفها يستسمح منها فاتو شافوها بعدها غسلتها وكفنتها انطوها فلوس مارضت تأخذ

اجت خالة بتول وليالي رادو يشوفها بس مارضو گالو مايصير

كانت بالربعة مكفنة مجرد قماش ابيض ثلج ما مبين منها شي وريحة المسك اول مرة اشوف هيچ منظر

فاتو ولدنة گالو چيبو بطانية راحو چابو بطانية جديدة حطوها بالنعش حطوه جدة وشالوها وطلعو على المقبرة

بعدها بـ ثلاث ايام خلصت الفاتحة نزلو الجادر بلشو
الناس ترجع على بيوتها بس الي بيتهم بغير منطقة أجلوها لـ ثاني يوم يطلعون من الصبح

عمي عدنان خلال هل ثلاث ايام ينام بـ فراش جدة مارضى احد يشيلة.... بعدها بااسبوع كان طالع

راحت جدة خلود گالت لـ عمةسحر زوجت عمي عدنان لمي الملابس وفراش عمتچ علمود ننطي اذا بقي جدام عين عدنان ينهبل لو ينجلط مو عايزين مصايب

راحت طلعت گونية طحين لمينة الملابس كلها وفراشها اجت مرة محتاجة انطوها الها

اجة عمي الظهر گال تعبان اريد انام ساعة وگعدوني